भजन 4

सहायता के निता सांझ के बिनती

परधान बजामै बाले के निता, तारबाले बाजन के संग दाऊद कर भजन

1हे मोर धरमी भगवान जब मै तोके गोहराहूं,

मोके जबाब दे,

मोर बिनती के सुन अउ मोर हे दया कर

जब कबहुन समस्या मोके पडी ता तै मोके छंडाय ले।

2हे मनसे कब तक मोर बेज्जती करत रइहा?

तोके मनसे मोर बारे हे कहै के निता नबा झूठ ढूंढत रइहा।

उनखर झूठ के कहै लग तोके मनसे प्रति रखै हबस।

3हइ जान लेया कि परभु अपन भक्त के निता अदभुत काम करथै,

जब मै परभु के गोहरथो तब ऊ जरूर सुनथै।

4कांपत रहा अउ पाप झइ करा,

खटिया हे सोय मन हे बिचार करा,

अउ सांत रहा।

5नियाइपन कर सही बलि चढाबा,

अउ यहोबा भगवान हे यकीन करा।

6कइनझन मनसे हइ कथै,

“कास हम भलाई के देख पातन।

परभु, अपन मुंह के उजियार हमर हे परकास कर।”

7तै मोर हरदय के ओखर लग कहुं जादा खुसी

परदान करे हबै,

जउन उनही अंगूर अउ दाना के भरमार के टेम होथै।

8मै सान्तिपूरवक लेटतो अउ खुसी लग सो जइहों,

काखे परभु, तहिन मोके सुरक्छित रखथस।