भजन 144

राजा के दवारा जीत कर निता भगवान के धन्यबाद

दाऊद कर गाना

1धन्य हबै यहोबा,

जउन मोर पटपड हबै,

ऊ मोर हाथन के लडै अउ युध्द करै के निता तइयार करथै।

2ऊ मोर निता करुना निधान

अउ गढ ऊंच जिघा अउ छंडामैबाले हबै,

ऊ मोर ढाल अउ सहारा हबै,

जउन मोर परजा के मोर वस हे कर देथै।

3हे यहोबा, मनसे काहिन हबै, कि तै ओखर सुरता लेथस या मनसे काहिन हबै,

कि तै ओखर कुछु चिंता करथै?

4मनसे तउन सांस कर जसना हबै,

ओखर दिन ढलत हर छाया के जसना हबै।

5हे यहोबा, अपन स्वरग कर तरी करके उतर आ, डोंगरन के छी,

तब उनखर लग कोहिटा उठही।

6बिजली कडकायके उनही छिदर-बिदर कर देय,

अपन तीर चलायके उनही भरमित कर देय।

7अपन हाथ उप्पर लग बढायके

मोके बडका समुंदर लग निकाड,

मतलब परदेसिन कर हाथ लग छंडा।

8उनखर मुंह लग तउन बेकार बात निकडथै,

अउ उनखर दहिना हाथ लग धोखा के काम होथै।

9हे भगवान, मै तोर स्तुति कर नबा गाना गइहों,

मै दस तारबाले सारंगी बजायके तोर भजन गइहों।

10तै राजन के मुकति करथस,

अउ अपन हरवाह दाऊद कर तलबार के मारै लग बचाथै।

11तै मोके निकाड अउ परदेसिन कर हाथ लग छंडाय ले,

जिनखर मुंह लग बेकार बात निकडथै,

अउ जिनखर खउनी हाथ

झूठ कर खउनी हाथ हबै।

12जब हमर टोरवा सगियान कर टेम

पउधा के जसना बढे होय,

अउ हमर टोरियन उन कोन्टा बाले खम्भन के जसना होय,

जउन महल कर निता बनाय जाय।

13जब हमर कोठला भरे रहै,

अउ उनखर हे कइ-कइ मेर के दाना रखे जाय,

अउ हमर गेडरा-छेडिन हमर पटउरा हे

हजारन हजार छउना जनमै।

14जब हमर बइला खूब मोटा-ताजा होय, दिबार नेहको टोरे जही,

कउनो के बन्दी नेहको बनाय जही,

हमर सडक हे संकट के रोमै-धोय के नेहको सुनाइ देही,

15ता हइ दसा हे जउन राज होय, ऊ का धन्य होही,

जेखर राज कर भगवान यहोबा हबै, ऊ का धन्य हबै।