भजन 132

मंदिर कर बडाई

यातरा कर गाना

1हे यहोबा, दाऊद कर निता

ओखर सगलू कस्ट के सुरता कर।

2ऊ यहोबा लग किरिया खाइस

अउ याकूब के सर्वसक्तिमान कर मन्नत माने हबै.

3जरूर मै उहै टेम तक अपन घर हे परवेस नेहको करहूं, अउ न अपन बिछरे हर बिछउना हे सोइहों।

4न आंखन हे नींद, अउ न अपन आंखी हे झपकी आमै देहूं।

5जब तक मै यहोबा के निता अक्ठी जिघा,

मतलब याकूब के सर्वसक्तिमान के निता निबास जिघा नेहको पइहों।

6देखा, हम एप्राता हे एखर चरचा सुनिस,

हम एखर पतेरा कर खेतन हे पाय हबै।

7आबा, हम ओखर निबास हे परबेस करै,

हम ओखर गोडन कर चउकी के आगू परनाम करै।

8हे यहोबा उठके अपन

आराम जिघा हे

अपन बल के संदूक समेत आ।

9तोर पुजारी धरम के कपडा पहिरे रहै,

अउ तोर भक्त मनसे जयजयकार करै।

10अपन हरवाह दाऊद के निता,

अपन अभिसिक्त कर बिनती के नजर अंदाज झइ कर।

11यहोबा दाऊद लग सही किरिया खाय हबै,

अउ ऊ ओखर लग नेहको मुकरही,

मै तोर राजगद्दी हे

तोर अक्ठी खास टोरवा के बैठाहूं।

12अगर तोर बिरादरी के मनसे मोर टीमा के पालन करै,

अउ जउन आदेस मै उनही सिखाहूं,

ओखर उप्पर चलै, ता उनखर लरका के मनसे तोर राजगद्दी हे जुग-जुग बइठत चले जइहिन।

13काखे यहोबा सिय्योन देस के चुने हव,

अउ उके अपन रहै के जिघा निता चाहे हव।

14“हइ तो जुग-जुग कर निता मोर आराम जिघा हबै,

इहै मै रइहों, काखे मै येही चाहे हव।

15मै एहमा कर खाना पीना हे बोहत आसीस देहुं,

अउ एखर गरीबन के रोटी लग टुल्य करिहों।

16एखर याजकन के मै मुकति के चीज पहिरइहों,

अउ एखर भक्त मनसे ऊंच आरो लग जयजयकार करहिन।

17देखा मै दाऊद कर निता वंस रूख उगइहों,

मै अपन अभिसिक्त कर निता अक अक्ठी चिमनी जलइहों।1

18मै दाऊद के बैरिन के लज्जित के कपडा पहिरइहों,

पय उनखर राज उन्नत करही, अउ फुलही फडही।”