प्रेरितो

प्रेरितों कर काम

प्रेरितो कर काम

परचा

चेलन कर काम के किताब मंडली के सुरुवात के किस्सा हबै अउ हइ यरुसलेम लग यहूदिया, सामरिया अउ ओखर आगू तक कसना बगर गइस, जसना यीसु अपन चेलन के स्वरग छो जात टेम गुठेय रहिस।

लूका, पोलुस कर संग यातरा करिस अउ सायद तबय अंताकिया के सहर हे चेलन के काम लिखे रथै, लूका कर संदेस के बातन के लगेतार रखे हबै, अउ यीसु के स्वरग छो जाय के बाद हे सुरु होथै, लूका कर मकसद इछो लिखे हर जउन बात हबै, ऊ ओखर पहिलेन लूका कर संदेस मिलत जुलत हबै, ऊ थियोफिलुस के चाहथै, संग-संग मसीहन के बढत संख्या जरूरी हबै, कि उनके काहिन सिखाय गय रथै, अउ इहैनिता लूका यीसु के जीवन अउ मसीही धरमी काम के परचार के सही किताब लिखिस।

चेलन के किताब हमर निता सुरुवात मंडली के उदाहरन परदान करथै, हइ दिखाथै कि यीसु हे बिस्वास के संग कसना जियब। चेलन के उदाहरन हमके दिखथै कि दूसरन के संदेस फइलामै हे पवितर आतमा के सक्ति हे कसना बिस्वास करे जाय।

रूप रेखा

1. पहिले चेलन हे पवितर आतमा आथै अउ मंडली बढै के सुरुवात।

2. एखर बाद मंडली हे बिरोध हुइस अउ यरुसलेम के बाहिर बगरय लगथै।

3. ओखर बाद पोलुस अपन पहिली सेबा यातरा हे कढ जथै।

4. तब यरुसलेम हे बइठक करके हइ तय करथै कि नबा बिस्वास करै बाले के काहिन जरूरत हबै।

5. पोलुस अपन दूसर सेबा यातरा हे कढ जथै।

6. एखर बाद ऊ अपन तीसर सेबा यातरा हे कढ जथै।

7. तब पोलुस के यरुसलेम हे पकडिन।

8. आखरी हे उके रोम देस हे पहुंचाय जथै।