फिलेमोन

फिलेमोन दे ना प्रेरित पौलुस दी चिठ्ठी

जानकारी

फिलेमोने दी चिठ्ठी मसीही दे बिच सामंजस्य कने रिशतयां दे बारे च दसदी है। उनेसिमुस (जिदा मतलब है “उपयोगी”), ऐ फिलेमोन नाऐ दा इक दास था जड़े कुलुस्से शेहरे च रेंदा था। ऐसा लगदा है की, उनेसिमुस फिलेमोने दे घरे ला चोरी करिके नठी गिया था। जालू पौलुस गिरफ्तार होईकरी कुछ बकत तांई जेला च था, उस बकत उनेसिमुस दी पौलुसे सोगी मुलाकात होई कने सै मसीही बणी गिया था। ऐसा लगदा है की ऐ चिठ्ठी कने कुलुस्सियो दी चिठ्ठी पौलुसे इक ही बकत पर लिखया था कने इसयो उनेसिमुस दे हथां ला फिलेमोने बाल लेई जाणे तांई दितया था(देखे कुलु. 4: 9)। पौलुसे फिलेमोने ला निवेदन किता, कि सै उनेसिमुस जो अपणे घरे जो बापस लेई जाऐ, पर इक दास दे रूप च नी पर प्रभु च इक भाई दे रूपे च। पौलुसे दे हिसावे ला, उनेसिमुस जादा “उपयोगी” था (बचन 11) हुण सै इक मसीही था। ऐथू दीकर की पौलुसे फिलेमोने जो ऐ भी बायदा कितया कि जड़ा भी कर्जा उनेसिमुस दा है, उदा सै कर्जा चुकाई दिंगा।

रूप रेखा

फिलेमोन जो अभिवादन (1-3)

पौलुसे ओनेसिमस दे बारे च फिलेमोन ला गल्ल किती (4-22)

आखरी अभिवादन कने प्रार्थना (23-25)