ओबद्याह

ओबद्याह

लिखने बालो

ई किताब ओबद्याह नेबे लिखेरूए। अस तैसेरे बारे मां जादे किछ न ज़ानम। गैर कौम एदोम मुल्खेरे खलाफ तैसेरी नबूवती मां यरूशलेमे ज़ै खासयत देते तैस सेइं इन समझ़ एइते कि ओबद्याह दक्षिणी रियासत यहूदा प्रदेशेरे पवित्र नगरेरे नेड़ेरो रानेबालो थियो।

लिखनेरी तारीक ते जगाह

लगभग 605-586 ई. पू.

इन भोइ सकते कि ओबद्याहेरी किताब यरूशलेमेरी हारारे बाद जादे च़िरेरी नईं (

शुन्ने पढ़नेबाले

एदोमेरी लड़ैइयरे बुरे हालातां केरे मौके यहूदी केरे काही खास लोक ते एजने बाले वक्ते मां पवित्रशास्त्र पढ़नेबाले।

मकसद

ओबद्याह परमेशरेरो नबी थियो, ज़ैनी एदोम, परमेशर ते इस्राएलेरे खलाफ पाप केरनेरो दोषी बनेवरो थियो। एदोमी एसावेरे खानदानेरे लोकन; ते इस्राएली एसावेरे जुट्टेरे ढ्ला याकूबेरे खानदाने मरां आन, दूईये ढ्लां केरे लड़ैअरो बुरो नितीजो तैन केरे खानदाने भुगतनो पेव, एस भेदेरी वजाई सेइं एदोमी लोकेईं मिस्रेरां इस्राएली लोकां केरे निसनेरे मौके तैना अपने मुल्खे मांमेइं गाने न थिये दित्तोरे। एदोमी लोकां केरे घमण्डेरे लेई परमेशरे सखत वचन शुनानू ज़रूरी थिये, किताबरे आखरी मां सिय्योनेरी मुक्ति ते भरपूरारी नबूवते, आखरी दिहाड़न मां ज़ैखन मुल्ख परमेशरेरे लोकन दुबारां दित्तो गालो ते परमेशर तैन पुड़ राज़ केरेलो।

खास मुद्दो

सच़्च़ो न्याय

रूपरेखा

1. एदोमेरो विनाश

2. इस्राएलेरी आखरी ज़ीत