नहूम

नहूम

लिखने बालो

ई किताब नहूमे लिखोरीए। तै एल्कोश नगरेरो रानेबालो थियो। इस नगरेरे बारे मां पतो नईं कोड़िए। भोइ सकते कि यहूदा प्रदेशे मां भोए। नेबेरे रूपेरे मां नहूम अश्शूरे मां खास केरतां तैन केरि राजधानी नीनवे मां प्रचार केरने भेज़ोरो थियो। नहूमे मिस्र मुल्खेरे तेबेस नगरे नाश भोनेरे बारे मां भी नबूवत की ज़ै लगभग 663 ई. पू. पूरी भोइ। ऐह योना करां 150 साल बादेरी घटना आहे। इन साफे कि तैनेईं तैस वक्ते मन फिराव पन बादे मां फिरी दुबारां मूरती पूज़ा केरने लगे।

लिखनेरी तारीक ते जगाह

लगभग 620-612 ई. पू.

शुन्ने पढ़नेबाले

नहूमेरी नबूवत उत्तरी रियासतरे दश गोट्लां केरे लोकां केरू गुलैमी मां अश्शूरी मतलब दक्षिणी राज़ेरे यहूदा दूईयां केरे लेई थी। यहूदा डर थियो कि तैसेरो भी तैए हाल भोल्हो ज़ै इस्राएलेरो भोल्हो।

मकसद

परमेशरेरो न्याय सही ते पक्‍को भोते। नहूम नेबी करां पेइले परमेशरे 150 साल पेइले योना नबी तैन कां भेज़ोरो थियो। ते तैन सेइं वाधो कियोरो थियो, कि अगर तैना एपनी बुरैई मां राले त कुन भोल्हु। तैस मौके त तैनेईं मन फिराव पन बादे मां तैना मना जादे बुरैई मां थिये। अश्शूरी लोक एपनी ज़ींती मां पूरे ज़ालम भोइ जेवरे थिये। नहूम यहूदारे लोकन सेइं ज़ोई राहोरे थियो, कि तैना उदास न भोन किजोकि परमेशरे न्यायेरू एलान कियोरूए ते अश्शूरी लोकन तैन केरे काबल सज़ाह मैल्हेली।

खास मुद्दो

तसल्‍ली

रूपरेखा

1. यहोवारी हुकूमत

2. नीनवे परमेशरेरी सज़ाह