मलाकी

मलाकी

लिखने बालो

ई किताब मलाकी नेबे लिखोरीए। इब्रानी भाषाई मां इस शब्देरो मतलबे, “मेरो सन्देश देनेबालो।” ज़ैस सेइं मलाकी नेबेरी नबूतरी भूमिका बांदी भोतीए। परमेशरेरे लोकन परमेशरेरो सन्देश शुनानो। इसेरे दूई मतलबन, अक त ई कि मलाकी असन तगर किताब पुज़ाने बालो सन्देश देनेबालोए ते तैसेरो सन्देश ई आहे कि परमेशर एजने बाले वक्ते मां अक होरो सन्देश देनेबालो भेज़ेलो महान नबी एलिय्याह प्रभुएरे दिहाड़े करां पेइले एज्जेलो।

लिखनेरी तारीक ते जगाह

लगभग 430 ई. पू.

ऐह किताब बाबेलेरी गुलैमी मरां वापस एजनेरां बाद लिखी जेवरीए।

शुन्ने पढ़नेबाले

यरूशलेमेरे रानेबाले लोकां केरे लेई ते बाकी सारे परमेशरेरे लोकां केरे लेई ई किताब लिखी जेई।

मकसद

इस किताबरो मकसद ई आहे कि लोकन एन याद करानू कि परमेशर अपने लोकां केरि मद्दतरे अलावा तैन सब केरेलो ते ज़ैखन तै न्याय केरनेरे लेई एज्जेलो तैखन तैन करां हिसाब नेलो, ते तैन कां बिनती केरनी कि करारेरी बरकतां हासिल केरनेरे लेई बुरैई करां मन फिरानो। परमेशरे मलाकी नेबेरे ज़िरिये खबरदारी दित्ती कि तैना परमेशरेरे पासे फिरन। पुराने नियमेरे इस आखरी किताबरे आखरी मां परमेशरेरे न्यायेरू एलान कियोरूए ते एजने बाले मसीहेरे बारे मां इस्राएली लोक शुन्नी राहोरेन।

खास मुद्दो

रीति रूवाज़े पुड़ निन्दा

रूपरेखा

1. याजकन कां परमेशरेरे आदरारे लेई गुज़ारिश

2. यहूदा वफादार भोनेरो उपदेश

3. यहूदा परमेशरेरे नेड़े एजनेरो उपदेश