हबक्‍कूक

हबक्‍कूक

लिखने बालो

ई किताब हबक्‍कूक नेबी लिखोरीए। इसेरे अलावा पवित्रशास्त्रे मां हबक्‍कूकेरो ज़िक्र कोन्ची नईं। कसदी बाबेलेरू होरू नंव्वे। कसदी केरे राज़ेईं 720 करां 538 ई पू. तगर राज़ कियूं। हबक्‍कूक नबी यिर्मयाह, सपन्याह ते नहूम नेबी केरे वक्तेरो नबीए। हबक्‍कूक नेबे यहूदा प्रदेशेरे राज़े योआश, योआज ते यहोयाकीमेरे राज़ केरनेरे वक्तन मां नबूवत कियोरी थी।

लिखनेरी तारीक ते जगाह

लगभग 612-605 ई. पू.

हबक्‍कूकेरी किताब भोइ सकते लगभग दक्षिणी रियासत, यहूदारे हारारे थोड़े ज़ेरे पेइले लिखोरीए।

शुन्ने पढ़नेबाले

दक्षिणी रियासत, यहूदा प्रदेशेरे लोक ते परमेशरेरे सारे लोकां केरे लेई ई किताब लिखी जेई।

मकसद

हबक्‍कूक सोची राहोरो थियो कि परमेशर अपने च़ुनोरे लोकन तैन केरे दुश्मना केरे हथ्थे किजो दुख देइ राहोरोए। परमेशर तैस जुवाब देते ते तैसेरो विश्वास मज़बूत भोते। इस किताबरो मकसदे कि यहोवा, तैसेरे लोकां केरि हिफाज़त केरते, विश्वास केरनेबाले लोकां केरि हिफाज़त केरते ते एन एलान केरनू कि यहोवा, यहूदारो परमप्रधान योद्धा एक्‍की दिहाड़े ज़ालम बाबेले सज़ाह देलो। हबक्‍कूकेरी किताब असन घमण्डी लोकन बड़े हलीम बनानेरे बारे मां ज़ोतीए। ते ज़ोतीए कि धर्मी मैन्हु विश्वासे सेइं ज़ींते राले। (

खास मुद्दो

प्रभु यहोवा पुड़ भरोसो केरनो

रूपरेखा

1. हबक्‍कूक नेबेरी यहोवा सेइं शकैइत

2. हबक्‍कूकेरी प्राथना