Bhadrawahi Bible
एज्रा 2
गुलैमी मरां वापस एवरे यहूदी लोकां केरो ज़िक्र
ज़ैना लोक बाबेल प्रदेशेरे राज़े नबूकदनेस्सरे गुलाम बनेइतां नियोरे थिये, तैन सूबेरे लोक ज़ैना गुलैमी मरां आज़ाद भोइतां यरूशलेम नगरे ते यहूदा प्रदेशे मां अपने-अपने नगरे जो वापस आए तैना इना लोक थिये। एना जरुब्बाबेल, येशुअ, नहेम्याह, सरायाह, रेलायाह, मोर्दकै, बिलशान, मिस्पार, बिगवै, रहूम ते बानाह सेइं साथी आए।
इस्राएल मुल्खेरे मैन्हु केरि गिनती ईए: परोशेरे खानदाने मरां 2172, शपत्याहेरे खानदाने मरां 372, आरहेरे खानदाने मरां 775 पहत्मोआबेरे खानदाने मरां येशुअ ते योआबेरे खानदाने मरां 2812, एलामेरे खानदाने मरां 1254, जत्तू एरे खानदाने मरां 945, जक्कई एरे खानदाने मरां 760, बानी एरे खानदाने मरां 682, बेबै एरे खानदाने मरां 623, अजगादेरे खानदाने मरां 1222, अदोनीकामेरे खानदाने मरां 666, बिगवैरे खानदाने मरां 2056, आदीनेरे खानदाने मरां 454, आतेरेरे खानदाने मरां 98 ज़ै हिजकिय्याहेरे खानदाने मरां थियो बेसैरे खानदाने मरां 323, योरारे खानदाने मरां 112, हाशूमेरे खानदाने मरां 223, गिब्बारे खानदाने मरां 95 मैन्हु थिये, बैतलहम नगरेरे मैन्हु 123, नतोपा नगरेरे मैन्हु 56, अनातोत नगरेरे मैन्हु 128, अज्मावेत नगरेरे मैन्हु 42, किर्यत्यारीम कपीरा ते बेरोत नगरेरे मैन्हु 743, रामाह ते गेबा नगरां केरे मैन्हु 621, मिकमाश नगरेरे मैन्हु 122, बेतेल ते आई नगरेरे मैन्हु 223, नबो नगरेरे मैन्हु 52, मग्बीसेरे खानदाने मरां 156, दूइयोवं एलाम खानदानेरे मैन्हु 1254, हारीमेरे खानदाने मरां 320, लोद, हादीद ते ओनो एरे खानदानां केरे मैन्हु 725, यरीहो नगरेरे मैन्हु 345, सना नगरेरे मैन्हु 3630 फिरी याजक मतलब येशुअरे घराने मरां यदायाहेरे खानदानेरे मैन्हु 973, इम्मेरेरे खानदाने मरां 1052, पशहूरेरे खानदाने मरां 1247, हारीमेरे खानदाने मरां 1017 थी।
फिरी लेवी, मतलब येशुअ एरे खानदानेरे ते कदमीएलेरे खानदाने मरां होदव्याहेरे खानदानेरे मैन्हु 74, फिरी गीतां ज़ोनेबालन मरां आसापेरे खानेरे मैन्हु 128 फिरी संत्री केरू खानदान, शल्लूमेरू खानदान, ते आतेरेरू खानदान, तल्मोनेरू खानदान, ते अक्कूबेरू खानदान, हतीताएरू खानदान, ते शोबैरू खानदान, एना सारे मिलेइतां 139 भोए। फिरी भवनेरे सेवकां केरां नंव्वां इना आन: सीहा एरू खानदान, हसूपा एरू खानदान, ते तब्बाओतेरू खानदान। केरोसेरू खानदान, ते सीअहारू खानदान, पादोनेरू खानदान, लबाना एरू खानदान, हगाबा एरू खानदान, अक्कूबेरू खानदान, हागाबेरू खानदान, शल्मै एरू खानदान, हानानेरू खानदान, गिद्देलेरू खानदान, ते गहरेरू खानदान, ते रायाहेरू खानदान, रसीनेरू खानदान, ते नकोदारू खानदान, गज्जामेरू खानदान, उज्जारू खानदान, ते पासेहेरू खानदान, ते बेसै एरू खानदान, अस्नाएरू खानदान, ते मूनीमेरू खानदान, ते नपीसीमेरू खानदान, बकबूकेरू खानदान, हकूपारू खानदान, हर्हूरेरू खानदान, बसलूतेरू खानदान, ते महीदारू खानदान, ते हर्शारू खानदान, बर्कोसेरू खानदान, ते सीसरारू खानदान, ते तेमहेरू खानदान, नसीहेरू खानदान, ते हतीपारू खानदान,
फिरी सुलैमान राज़ेरे दासां केरू खानदान, ते सोतै एरू खानदान, ते हस्सोपेरेतेरू खानदान, परूदारू खानदान, यालारू खानदान, ते दर्कोनेरू खानदान, ते गिद्देलेरू खानदान, शपत्याहेरू खानदान, ते हत्तीलेरू खानदान, ते पोकरेत-सबायीमेरू खानदान, ते आमी एरू खानदान, सब भवनेरे सेवक ते सुलैमानेरे दासां केरू खानदान, 392 लोक थी।
फिरी ज़ैना तेल्मेलाह, तेलहर्शा, करूब, अद्दान ते इम्मेर नगरन मां आए, पन तैना अपने-अपने पूर्वजां केरे घराने ते नंव्वां न ज़ोई बटे कि इस्राएलेरे आन, तैना इना आन: दलायाहेरू खानदान, ते तोबियाहेरू खानदान, ते नकोदारू खानदान, ज़ैना सारे मिलेइतां 652 थी। याजकां केरे खानदाने मरां हबायाहेरू खानदान, हक्कोसेरे खानदाने बर्जिल्लैरे खानदाने, ज़ैनी गिलादी बर्जिल्लैरे एक्की कुइये सेइं ड्लाह बनेवरो थियो, ते तैसेरू नवं रखोरू थियूं। तैन सेभेइं अपने-अपने पूर्वजां केरे नंव्वेरी चिट्ठी होरि केरे पूर्वजां केरे नंव्वां केरे चिट्ठन मां तोप्पी पन न मैल्हां, एल्हेरेलेइ तैना अशुद्ध ठहरेइतां याजक पदे पुड़ां कढे। ते हाकिमे तैन हुक्म दित्तो कि ज़ांतगर याजक ऊरीम ते तुम्मीम लेइतां न एज्जे, तांतगर तै कोई परमपवित्र चीज़ न खेइ सके।
यहूदा प्रदेशे जो वापस गानेबाले 42360 इस्राएली लोक थी। इन केरे अलावा 7337 दास ते दैसी, ते 200 गीतां ज़ोनेबाले मड़द ते कौन्शां भी थी। तैन केरे घोड़े 736, खचरां 245, ऊँट 435, ते गधे 6720 थी।
पूर्वजां केरे घराना केरे खास-खास मड़द ज़ैखन यहोवारो भवन ज़ै यरूशलेम नगरे मांए, आए, तैखन परमेशरेरो भवन तैसेरे ठैरी पुड़ खड़ो केरनेरे लेई अपने-अपने इच्छाई सेइं किछ दित्तू तैनेईं एपनी-एपनी कमैई मरां 500 किल्लो सोन्नू, 2800 किल्लो चाँदी, ते 100 चोगे याजकां केरे लेई अपने-अपने मेर्ज़ी सेइं तैस कम्मेरे खज़ाने मां दित्ते।
तैखन याजक ते लेवी ते लोकन मरां किछ गीतां ज़ोनेबाले ते संत्री ते भवनेरे सेवक अपने नगरे मां ते सब इस्राएली अपने-अपने नगरे मां फिरी बेस्सी जे।
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.