3 यूहन्ना

यूहन्नारी ट्लेइयोवं चिट्ठी

लिखने बालो

यूहन्नारी ट्लाईए चिट्ठी एक्‍की लिखनेबाले लिखोरेन ते जादे विद्वान इन मनतन कि तै प्रेरित यूहन्ना आहे। यूहन्ना एप्पु जो “बुज़ुर्ग” ज़ोते, कलीसियाई मां तैसेरी ठार ते तैसेरे उमरारे वजाही सेइं। तैसेरी शुरुआत, ते लिखनेरे तरीके सेइं ते निज़िरये सेइं यूहन्नारी दूइयोवं चिट्ठी सेइं एत्रे मिलते जुलतेन कि शक न भोए कि दूईये चिट्ठी एक्‍के लिखनेबाले न लिखोरी भोन।

लिखनेरी तारीक ते जगाह

लगभग ई. स. 85-95

यूहन्ना एशिया माइनरेरे इफिसुस नगरे मरां ई चिट्ठी लिखी।

शुन्ने पढ़नेबाले

यूहन्नारी ट्लेइयोवं चिट्ठी गयुसेरे नंव्वे थी। इन साफे कि गयुस कोन्ची कलीसियारो अक खास अगुवो थियो ज़ैस यूहन्ना ज़ानतो थियो। गयुस बड़े आदरारे लेई ज़ानो गातो थियो।

मकसद

कलीसियारी अगवाई मां अपनि आदर ते घमण्डेरे खलाफ खबरदार केरनू, गयुसेरे रोड़े चाल चलनेरे तारीफ़ केरनी कि सच़्च़े उपदेशन अपने ज़रूरतन करां जादे ऐहमयत देते (वचन. 5-8)। दियुत्रिफेसेरो बुरो चाल चलन दोषी ठहरानो किजोकि तै मसीहेरे बजाए अपनो आप बड्डो बनाते (पद. 9)। दिमेत्रियुसेरी तारीफ़ केरनि (पद. 12)। विश्वासी लोकन जो ज़ोनू कि तै जल्दी तैन सेइं मिलने बालो आहे (पद. 14)।

खास मुद्दो

विश्वासी लोकां केरि आदर

रूपरेखा

1. प्रस्तावना

2. सेवां केरि आदर

3. बुराई नईं भलियाई केरनी

4. उपसंहार