2 यूहन्ना

यूहन्नारी दूइयोवं चिट्ठी

लिखने बालो

इस चिट्ठरो लिखने बालो प्रेरित यूहन्ना आहे। 2 यूहन्ना मां तै एप्पु जो अक “बुज़ुर्ग” ज़ोते। इस चिट्ठरू नवं “यूहन्नारी दूइयोवं चिट्ठी” आहे। इस दूइयोवं चिट्ठी मां तैना झूठे उस्तादां केरो ज़िक्र आहे ज़ैना यूहन्नारी कलीसियान मां गलत प्रचार केरि रेवरे थिये। तैन केरो मकसद थियो कि लोक तैन पत्ती च़ेलतां अपने मकसदेरे लेई मसीही मेहमान नवाज़ी सेइं फैइदो उठान।

लिखनेरी तारीक ते जगाह

लगभग ई. स. 85-95

इन मन्नू गाते कि ई चिट्ठी इफिसुस नगरे मां लिखोरी थी।

शुन्ने पढ़नेबाले

ई चिट्ठी ज़ैस कलीसियाई जो लिखी जेवरी थी तैस यूहन्ना “च़ुनोरी कुआन्श ते तैसेरे बच्‍चां केरे नंव्वे” ज़ोते।

मकसद

यूहन्ना ई चिट्ठी लिखतां “उस कुआन्श ते तैसेरे बच्‍चां” केरे लेई अपनि वफादारी हिराते ते तैस होसलो देते कि प्यारे मां रेइतां प्रभुएरे हुक्म मन्न। तै तैन्न झूठे उस्तादान करां खबरदार केरते ते तैन सेइं ज़ोते कि तै तैन्न सेइं जल्दी मुलाकात केरेलो। यूहन्ना तैसेरी “बेइनी” जो भी नमस्कार ज़ोते।

खास मुद्दो

विश्वासी लोकां केरो ज़मीर

रूपरेखा

1. अभिवादन

2. प्यारे मां सच़्च़ाई बनोरी रखनी

3. आखरी नमस्कार