Valoma

Baluwa lya Paulo kwa

Valoma

Ulongolelo

Kiganulo iki kya Valoma kisimbilwe na mnjagila Paulo pagati lya mwaka amsini na chitai na amsini na nane peababilwe Yesu.

Paulo akali ave seakagendeliye ku Loma ndeni akalagiche baluwa iyi neke kuvawulanicha vanu vonda, Vayawudi na vanu se Vayawudi, yevakumudikila Kilisito va ukoya ku Loma. Chpindi peakali asimba baluwa iyi akali akwikala mwani va ku Kolindo. Paulo akavasimbiliye vanu va inyi yonda vawese kumdikila na kumpulikicha Yesu Kilisito muwuso va 16.26.

Kiganulo iki kya Valoma ndi kya muhimu kwa vanu yevamudikiye Kilisito kila pono na kila chipindi kwakuva kihumulila kw wachi petukombolilwa kuchumbila Yesu Kilisito. Ndeni ndeni Paulo kawunganisa Njowo Chinofu cha Yesu Kilisito na Lyagano lya dahila. Vakwimba vongofu valumbana kuva, msitali veugehe mkomi mu kiganulo ikyo ndi muwuso va 1.16 yilonga, sendiwona nyoni kudalika Njowo chinofu, kwakuva chigehe na ludali lwa Nguluvi kumlowa kila munu yeakuidikila, kwa Vayawudi tandi, kangi kwa vanu se Vayawudi. Pono lya kwanja lya kiganulo kya Loma wuso va 1-12, ihumulila umanyi va Nguluvi, pono lya uvili wuso va 13-15, ihumulila magito gyolofu pevang'ang'wa vanu vevamudikiye Kilisito vakale.

Gegagehe

Paulo avanga baluwa lyake kwa kwitambucha yumwene na kulonga akuvasimbiliya va ani wuso va 1.1-15.

Baho Paulo ihumulila namuna vanu pevang'ang'wa kwikala na petukomboliwa kuchumbila Yesu Kilisito wuso va 1.16—11.36.

Paulo ihumulila magito gyolofu pevang'ang'wa vanu vevamudikiye Kilisito vakale wuso va 12.1—15.13.

Paulo akumalila kusimba kwa kuvahungila vanu vevamudikiye Kilisito va ukoya ku Loma wuso va 16.