Ugubutulo

Ugubutulo va

Yohani

Ulongolelo

Kiganulo kya Ugubutulo ndi kiganulo kya kusindila mulyagano limiya. Kangi nde kiganulo kya kusindila kyekisimbilwe na Mnyigendwa Yohani mumwaka va tisini na chihano peababilwe suwe Yesu musula lya 1.1. Kangi Yohani asimbile Njowo Nofu, Njowo Nofu ngita peisimbilwe na Yohani na baluwa chidatu chene ndi Yohana va kwanja na Yohani va uvili na Yohani va udatu. Ndeni ndeni Yohani ndi mnyigendwa yeakeliwe hilo na Yesu musula lya 13.23. Mwene akasimbile kiganulo iki kya Ugubutulo peagehe ukoya mukigunguli kya Patimo peawopilwe kwakuva lya kulanducha Njowo Nofu cha Yesu Kilisito musula lya 1.9.

Natilo lya Yohani kusimba kiganulo iki ndi kuvagangamicha vanu davevikwimba vasigale kumwidikila Yesu Kilisito na kuvagita vahuvilile kwakuva chipindi cha kuwuya Yesu chigehe pepi musula lya 1.3 na 22.7. Yohani avasimbilie vanu vonda vevakumdikila Kilisito, hilo kwa mapinga saba ga vanu vevakumdikila Kilisito musula lya 2-3. Yohani ilonga iki kyeisimba ndi uvichi, musula 1.3 na itumila mifano myolofu mukiganulo kuhumulila makani geawonile. Kiganulo iki kiwana na pono padodo mupono lya Lyagano lya dahila, hilo mukiganulo kya Sakalia musula lya 6.1-8. Mingalapi saba na mibakuli saba giwana na matovo ga Nguluvi geavatovile Vamisili, mukiganulo kya Kuhuma musula lya 7-9. Kiganulo iki kya Ugubutulo kihumulila chipindi cha kusila kwa inyi, Yesu daivecha muwesa na vonda vevakumuhuvilila Yesu davakala mbepali pamwi na mwene. Kasi lya kiganulo iki kukulakilila na kukugavila luhuvilo kuva Yesu iwuya kisatu.

Gegagehe

Yohani ivanga kukisimba kiganulo iki kwa kulonga mwene ndi ani na aviye awanuke uvichi, musula lya 1.1—1.20.

Yohani ihecha unanzi kuhuma kwa Yesu kuhelela kwa mapinga saba ga vanu vevamdikile Kilisito, musula lya 1.1—3.22.

Baho, Yohani iganula fihondo saba, musula lya 4.1—8.5 na mangalapi saba, musula lya 8.6-11-19.

Kangi Yohani iganula lukani lwa maye yeakali idagwa na lyoka lyene mituwe saba, musula lya 12.1—14.20.

Pambele, Yohani isimbila kutigila mibakuli saba ga luvipo lwa Nguluvi, musula lya 15.1—16.18.

Pambele Yohani iganula Nguluvi peakuvawecha vachindwama vake ukoya kuluhano, musula lya 17.1—20.15.

Yohani imalila kusimba kiganulo iki kwa kuganula luhano lumiya na inyi miya vene daukwacha chipindi cha mwiso, musula lya 21.1—22.21.