Vafilipi

Baluwa lya Paulo kwa

Vafilipi

Ulongochi

Paulo akasimbile baluwa iyi kwa vanu vevamdikie Kilisito vevagehe ku Filipi, akasimbile peakali mukiwopo mumwaka va sitini na moja peababilwe suwe Yesu Kilisito musula lya 1.13. Na yivecha chipindi peasimba baluwa iyi peakali ku mwani va Loma. Baluwa iyi ikasimbilwe kwa vanu vevamdikiye Kilisito vevakali mu mwani va Filipi. Twiwesa kwiwulanicha makani magefu kutigila mwani va Filipi mu kiganulo kya Magito gya Vanjagila. Filipi wukali mkowa mkomi va mwani va Makedonia, lyene kangi nde likali lipinga lya vanu vevamdikie Kilisito va kwanja lyelivangichwe mu mkowa mkomi lya Makedonia. Paulo na Sila nde vevakalivangiche lipinga ili lya vanu vevamdikiya Kilisito na ata kigono kimwi vakavikilwe mukiwopo na vakagonile ukoya palumiye yimwi Magito musula lya 16.

Yiwoneka Paulo akali na natilo peakali isimba baluwa iyi, akatumile fwasi ilyo neke kuhongecha kwa fupo chevakali vakumlagichila pevapulike kuva avikilwe mukiwopo musula lya 4.10-19. Kangi akawesile kuvachelesa peakwikala mukiwopo na akatumiye baluwa ilyo kuvatambucha Timotewo na Epafolodito kwa lipinga lya vanu vevamdikiye Kilisito musula lya 2.19-30. Neke vawese kuvawanuka na kuvaginya ngita filongochi.

Gegagehe

Pawulo ivanga kusimba baluwa lyake kwa kuhungila lipinga lya vanu vevamdikiye Kilisito vevagehe ku mwani va Filipi musula lya 1.1-2.

Pambele akuvalongela njowo peagehe ukoya na makani gegagehe munumbula chake musula lya 1.3—2.30.

Baho akavalongele malagilicho gya kugita neke vikale kwa kumdikila Kilisito kwa magito musula lya 3.1—4.9.

Pawulo imala kwa kuvahungila na kulihonecha lipinga lya vanu vevandikiye Kilisito lya Vafilipi kwa fupo chevamlangichile musula lya 4.10-23.