Skip to content
BibleKenya

Filimoni

Philemon

Introduction from this edition

Baluwa lya Paulo kwa

Filimoni

Ulongolelo

Baluwa kidodo kwa Filimoni yeisimbilwe na mnjagila Paulo musula lya 1.1. Paulo akali mukihopo peakali isimba, iyi iwonesa kuva baluwa iyi akasimbile peagehe ku Loma. Ngita akali ku Loma ndakyene, suwe iwesekanika dakisimbilwe ngita mwaka va sitini na yimwi peababilwe Kilisito suwe, ndeni ata baluwa kwa Vakolosai kikasimbilwe chipindi ichi.

Paulo akamsimbiliye baluwa iyi munu yumwi yeakemeliwe Filimoni. Filimoni akali yumwi pagati lya lipinga lya vanu yevamdikiye Kilisito na akali na vasutu. Paulo akamsimbiliye baluwa iyi neke kumsuka abihile kumtova msutu vake Onesimo yeakali anyilile kuhuma kwa Filimoni. Kwa malagilicho gya Valoma giwesa kugita Filimoni kumdocha Onesimo. Paulo akumlongela kwa kumsuka na kumnamacha Filimoni neke amdikiye Onesimo kuva mkolo yeamdikiye Kilisito, kangi amdikiye agite kasi pamwi na Paulo mu sula lya 1.13-14.

Gegagehe

Paulo akumuhungila Filimoni mu sula lya 1.1-3.

Paulo akumsuka Filimoni amuwanuke Onesimo ngita mkolo vake yeamdikiye Kilisito mu sula lya 1.4-21.

Paulo imalila kwa kumlagilichiya luhingilo na kumlongela kuva idobokela kuwuya kangi mu sula lya 1.22-25.

Benamanga Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.