Yohani

Njowo Nofu chesisimbilwe na

Yohani

Ulongolelo

Njowo Nofu mukiganulo iki kyekisimbilwe na Yohani ndi kimwi pagati lya fila fitai Mulyagano lya miya fyefihumulila wumi va Yesu Kilisito. Kila kiganulo kimwi kikemelwa “Injili” mana lyake “Njowo Nofu.” Figanulo ifi fitai fyefisimbilwe chipindi Yesu peafuwe suwe, vevasimbile nde Matayo na Maliko na Luka na Yohani. Njowo Nofu ngita peisimbilwe na Yohani ivecha isimbilwe na Mnjagila Yohani kuvangila mwaka tisini peafuwe Yesu suwe. Ata ngita kiganulo sekiwonesa kuva Yohani ndeyeasimbile, ila masimbo gyake giwana hilo na baluwa lya 1 Yohani na 2 Yohani na lya 3 lya Yohani. Vasimba vangi vadahila vakalongile Yohani chipindi peakalile mumwani va Efeso, suwe iwesekana kuva kiganulo iki kisimbilwe Muefeso.

Yohani ihumulila wachi kuva natilo lya kiganulo iki ndi kuvatanga vanu neke vamudikile Yesu kuva ndi Kilisito, Mwana va Nguluvi yeakwikala, musula lya 20.31. Kwa kumdikila mwene datuwanuka uwumi kuchumbila litawa lyake. Kiganulo iki kikasimbilwe neke vakwimbe vanu vonda, Vayawudi na vanu seva Vayawudi. Njowo Nofu ichi cha Yohani kwa namuna tunga sechiwana na Njowo Nofu chila chidatu. Mwene asimbile umanyitu veagitile Yesu na seasimbile hilo mifanu ga Yesu. Makani gangi makomi ngita ndeni Ubatiso va Yesu na magudo ga kula kuwelu segasimbilwe mukiganulo iki.

Gegagehe

Yohani akuvanga Njowo Nofu musula lya 1.1-18

Baho, asimbile umanyitu geagitile Yesu musula lya 1.19—12.50

Yohani ihumulila makani gangi muuwumi va Yesu gegamulongocha mbaka kufuwa na kuchulubuka kwa mwene musula lya 13.1—20.31

Yohani imalila kusimba Njowo Nofu musula lya 21 ihumulila chipindi Yesu peavahumiye vanu peachulubuke, pambele ihumulila natilo lyake lya kusimba kiganulo iki.