Yakobo

Libaluwa lya

Yakobo

Ulongochi

Kiganulo iki kya Yakobo kikasimbile na munu yeikemelwa Yakobo. Ivecha mwene Yakobo ndeyula lukolo vake Yesu na yeakali kilongochi va lipinga lya vanu vevamdikiye Kilisito kwanja na akali yumwi va mnanzi va lidamo lya Yelusalemu Magito musula lya 15.13. Mjagila Paulo kangi akamkemeliye “Lisimbili” lya lipinga lya vanu vevamdikiye Kilisito, mukiganulo kya Vagalatiya musula lya 2.9. Vevimbile vidikila kuva kiganulo kya Yakobo kikasimbilwe kabula lya mwaka va hamusini ya peababilwe suwe Yesu Kilisito. Yakobo akali kilongochi va lipinga lyevamdikiye Kilisito lya ku Yelusalemu, iwesekana kuva akasimbile kiganulo iki peakali akwikala mumwani ugo Yelusalemu.

Yakobo akasimbile kiganulo kyake kwa “Ngombelo kyumi na gavili gegayaganike muinyi” Musula lya 1.1. Mawulanicho gegagehe mukiganulo kya Yakobo ndi ging'ang'wa kwa vanu vonda vevamuidikiye Kilisito, ila njowo “Ngombelo kyumi na gavili” Gagita iwonese kuva Yakobo akali akuvasimbila vanu vadikila va Kilisito va Kiyawudi. Kwakuva kiganulo iki kikatakilwe kuvafikila mapinga molofu ga vakwimba, kiganulo iki kihumilila makani golofu. Yakobo iwonesa wachi ludikilo na magito. Ludikilo lya undakyene iwoneswa mumagito gyake 2.17. Kangi akuvalakilola vanu kubibihila kuvaonesa uwilila kwa vanu vamosi musula lya 2.1-4 na kutulongela tung'ang'wa tulonge makani ganofu musula lya 3.1-12.

Gegagehe

Yakobo akuvahungila vakwimba vake musula lya 1.1

Pambele akuvagagamalicha numbula vanu vevamdikiye kilisito vahuvilile pevichumba mumagudo musula lya 1.2-27.

Baho, ihumulila peing'ang'wa kuwonesa ludikilo kwa ng'asi lya magito 2.1-26.

Kangi, ihumulila machowo pegagehe na ludali 3.1-12.

Baho, Yakobo iganula luchelo va Nguluvi peseuwana na luchelo lya inyi 3.13—4.10.

Kangi akuvalakilila vakwimba vabihile kuvecha vanu va kwidumba 4.11—5.6.

Yakobo imala kiganulo kyake kwa kuhecha malagicho musula 5.7-20.