Vabulaniya

Baluwa kwa

Vabulaniya

Ulongolelo

Kiganulo kya Vabulaniya ndi baluwa lya kuvagangamicha numbula vanu, iwonesa Yesu peatimisile makani gamonga ga uvichi lwa Liagano lya Dahila, baluwa iyi isimbilwe ngita madaliko. Mukiganulo iki kya Vabulaniya kuna makani kuhuma muliagano lya dahila elufu sitini fyefiwonesa wachi Yesu peatimisile uvichi na kasi cha mtekechi mkomi va Kiyawudi. Kuhumila na ilyo, kiganulo iki kisimbilwe neke kuvagangamicha Vayawudi vevamudikiye Kilisito. Kiganulo iki kya Vabulaniya kiwonesa kuva Yesu atimilise kasi cha malagilicho ga Nguluvi geamgavile Musa neke Vatekechi va Nguluvi vabihile kwendelela kangi kuhecha usembe va kunyanya. Kwakuva Yesu akali usembe va kuhecha sambi chonda, ikagitilwe mala yimwi na kwa figono fyonda. Vanu vevamudikiye Kilisito va chipindi ichi viwesa ndeni kugangamichwa numbula mukiganulo iki kya Vabulaniya neke vaendelele kumfwatila Yesu Kilisito yeakutugita nefwe tumudikile Nguluvi na kuendelela kumudikila mwene. Sula lya 12.2.

Kwihela munu yeichela ani yeasimbile kiganulo iki kya Vabulaniya, ila vakwimba volofu vilonga pagati lya ava vadatu iwesekana vasimbile mnjagila Paulo awu Luka awu Balinaba. Kangi seimanyika chipindi cha kusimbilwa kiganulo iki ila volofu vidikila kisimbilwe kabula lya mwaka va sabini baada lya kubabwa Yesu Kilisito. Mwani va Yelusalemu uhanangilwe mumwaka va sabini baada lya kubabwa Yesu Kilisito, ila msimbila va baluwa iyi akuhumulila ngita mwani va Yelusalemu wave kuhanangwa. Kiganulo iki kya Vabulaniya kisimbilwe mumwani va Roma. Sula lya 13.24 na iwesekana kuva ichumbile mulipinga lya vanu vevamudikiye Kilisito myolofu.

Gegagehe

Msimbila iwonesa kuva Yesu Kilisito ndi ngiba na mkomi kuchumba vavichi na vandumindumi va Nguluvi. Sula lya 1.1—4.13.

Kangi iendelela kuwonesa kasi lya Yesu ndi ngiba na mkomi kuchumba vatekechi vevagita kasi mukaye lya Yelusalemu. Sula lya 4.14—7.28.

Kangi iwonesa kasi lya Yesu ndi ngiba na yene ukomi kuchumba yila malagilicho ga Nguluvi yeamgavile Musa. Sula lya 8.1—10.31.

Peasindile kuganula kuva Yesu ndi ngiba na mkomi kwa kila kinu, nondee msimbila iendelela kulagicha gamonga gya makani geging'ang'wa kugitwa. Sula lya 10.32—13.17.

Msimbila isinda kusimba baluwa lyake kwa kuvagangamicha numbula vanu na kuvahungila vanu. Sula lya 13.18-25.