Vagalatia

Baluwa lya pili kwa vanu va Vagalatia

Vagalatia

Ulongocho

Kiganulo kya Vagalatia kisimbilwe na Mnjagila Paulo, musula lya 1.1. Paulo akasimbile balua iyi kwa lipinga lya vanu vevamudikiye Kilisito muinyi lya Vagalati pagati cha chipindi cha myaka alobaini na nane mbaka amsini na saba, peababilwe Yesu. Yivecha Vagalatia vakali vakwikala mumwani weukali utavalwa na Valumi veugehe Galatia. Vakwimba sevakachele unofu Paulo akali kwiya peakali isimba baluwa iyi, yivecha akali mumwani va Efeso na Kolindo.

Paulo avasimbilie vanu vevamudikile Kilisito vonda Vayawudi na se Vayawudi kwa lipinga lya vanu vevamudikie Kilisito. Akasimbile baluwa iyi neke kulakilila mawulanicho ga udesi kuva vanu vevamudikile Kilisito vakang'ang'ilwe kufwata malagilicho ga Vayawudi kuhuma Lyagano lya Dahila hilo kudumula bina. Kukali na lipinga lya vanu mugati lya vanu vevamudikie Kilisito vevakemeliwe Yudaiza vene vakang'ang'ile kuva vanu vevamudikie Kilisito sevagehe Vayawudi vadumulwe bina. Kangi vakahiuchile hilo pakyanya lya umwimike va Paulo va kiunjagila. Paulo akatasile unjagila vake kwa kuhumulila njowo chake musula lya 1.11—2.14 na ayitasile Njowo Nofu kwa kuhumulila kuva ulowolo uwanukwa kwa kumdikila Yesu Kilisito musula lya 2.16, uwo ulowolwa uhumichwa na usanzi va Nguluvi na se gala gegigitwa na vanu.

Gegagehe

Paulo ivanga kusimba baluwa kwa kuvahungila lipinga lya vanu vevamudikie Kilisito lya ukoya Galatia musula lya 1.1-5.

Kangi Paulo ihumulila makani gake ga dahila neke kudima uwimike vake va kuwulanicha kuno iwonesa kuva akagechile kwikala kwa kulongochwa kwa malagilicho ila segamutangile musula lya 1.6—2.21.

Pambele ihumulila hilo natilo lya malagilicho na unemelo muulowolo musula lya 3-4.

Kangi avalagilichile vonda kwikala unofu kwa vanu vevamudikile Kilisito musula lya 5.1—6.10.

Paulo imalila kusimba baluwa lyake kwa kuvahungila na kuvasuka kuva vawiwuka kuva kugalambuchwa na Nguluvi kuvecha munu mumiya ndi ngiba hilo kuchumba malagilicho ga kwivala, ngita fila kudumula bina musula lya 6.11-18.