Vakolosai

Baluwa lya Paulo kwa vanu va Kukolosai

Vakolosai

Ulongocho

Baluwa kwa vanu va kukolosai isimbilwe na mnjangila Paulo musula lya 1.1. Mwene yeasimbile baluwa iwesekana akali peavopilwe mkivopo muinyi lya Loma, mwaka va sitini baada lya kubabwa Yesu. Baluwa fya Kolosai na kwa Efeso na kwa Filimoni ichi chikemelwa baluwa cha mkivopo kwakuva Paulo akasimbile peakali mukivopo. Akasimbile baluwa iyi kwa vanu vevamwidikiye Kilisito ukoya mwani Kolosai. Paulo seakalivangise lipinga lya vanu vevamwidikiye Kilisito ukoya Kolosai ngita pealongile musula lya 2.1, ila ayiwene ing'ang'wa kuvawulanicha. Iwesekana kuva Epafula nde yeavangiche lipinga ili lya vanu vevemudikiye Kilisito ku Kolosai.

Paulo akaduduve na mawulanicho gya udesi gyevakali viwulanichwa mu lipinga lya vanu vevamwidikiye Klisito ukoya Kolosai. Na asimbile kwa utali akasimbile kyanya lya mawulanicho ago. Ukoya kukali na mapinga gya Vayawudi vevakumwidikila Kilisito, ila vakali vakuvaswitilicha vanu vangi vevamdikiye Kilisito vafwatile malagilicho gya Vayawudi hilo kudumula bina. Paulo akasimbile kuva munu yoyonda yeakumwidikila Kilisito seing'ang'wa kinu kingi va munu yungi, ila akung'ang'a Kilisito neke idikilwe pautalo lya Nguluvi musula lya 1.15-20 na mawulanicho gegihuma muluhala lwa vanu segitanga kinu musula lya 2.8

Gegagehe

Paulo akavangile kwa kuvahungila vanu vevamwidikiye Kilisito va ukoya Kolosai musula lya 1.1-2.

Pambele akasimbile ukomi va Kilisito hilo mukuhiga mawulanicho ga udesi ukoya Vakolosai musula lya 1.3—3.4.

Ngita peigehe mu baluwa chongofu cha Paulo, isimba nusu lya baluwa kuhumulila peving'ang'a kwikala vanu vevamdikie Kilisito musula lya 3.5—4.6.

Paulo imalila kwa kuvahungila na malagilicho kuva baluwa iyi yikwimbwe kwa lichwi kwa mapinga gya vanu vonda vevamwidikiye Kilisito musula lya 4.7-18.