2 Peteli

Baluwa lya uvili lya

Peteli

Ulongolelo

Baluwa lya uvili lya Peteli ihumulila kuva isimbiliwe na Mnjagila Peteli, ila vakwimba volofu va figono ifi sevadikila kuva lukani ulu ndi lya undakyene. Iwesekana kuva munu yungi asimbile badili lya Peteli.

Munu yeasimbile baluwa iyi ihumulila kuva mwene akali mswida yeawonile maisa ga Yesu na hilo chipindi peaseduke wuso. Musula lya 1.17-18. Ngita Peteli yeasimbile baluwa iyi, suwe iwesekana asimbile akiva ukoya ku Loma mwiso va myaka gya sitini peali ave Peteli seafuwe na peababilwe suwe Yesu Kilisito. Kangi Peteli akuikemela baluwa lyake iyo lya uvili. Musula lya 3.1, yeakaisimbile peasimbile yila ya lya Peteli va kwanja na akasimbile baluwa iyi kwa vala vevamdikiye Kilisito vonda.

Peteli asimbile baluwa iyi neke kuvanamache vanu vevamdikiye Kilisito vakale kwa unofu na kuvalakilila vabihile kuvafwata vawulanicha va udesi, musula lya 2. Akuvagangamacha vanu vabihile kuvadikila vanu vevilonga kuva Yesu agehe molemole kuwuya. Pambele ihumulila kuva Nguluvi seagehe molemole ila isaka vanu vonda valowolwe, musula lya 3.8-9. Iyi ndi kwakuva lya kwikala maisa manofu gegikumpesa Nguluvi, musula lya 3.14.

Gegagehe

Peteli ikwiyitambucha yemwene na avatambuche vakwimba, musula lya 1.1-2.

Baho akuvawiwusa kwikala maisa manofu kwakuva Nguluvi akututanga tukale ndeni, musula lya 1.3-2.

Pambele akuvalakila kutiya kuvafwata vawulanicha va udesi na kulonga ndi kinu liki dakivahumila vawulanicha va udesi mu figono fya mwiso. Musula lya 2.1-22.

Pambele Peteli akumalila kwa kuvagangamalicha vanu vevamdike Yesu kwikala maisa manofu vakiyidima kwa kwacha kangi kwa Yesu Kilisito, musula lya 3.1-17.