2 Yohani

Baluwa lya uvili lya

Yohani

Ulongolelo

Baluwa lya uvili lya Yohani ikasimbilwe na Mnjagila Yohani mu mwaka va tisini peababilwe suwe Yesu Kilisito. Yohani seakwitambucha yumwene ngita nde yeasimbile, ila badili lyake akwikemela mgogolo. Makani gegagehe mubaluwa lya Yohani va uvili giwana hilo na gala gegagehe mu Njowo Nofu ngita peisimbilwe na Yohani. Ndeni yiwoneka wachi hilo pala pealongile lulagilicho lwa Yesu kutigila kwikela na iwonesa kulonga kuva kumkela Yesu ing'ang'wa kukolela malagilicho gyake Yohani va uvili sula 1.5-6 na Yohani 15.9-10. Yidikilwa kuva Yohani akasimbile Njowo Nofu lya Yohani na pamwi na baluwa chake chidatu, Yohani va kwanja na Yohani va uvili na Yohani va udatu, chipindi peakali akwikala mu mwani va Efeso.

Yohani akasimbile baluwa iyi kwa mdala yeahaguliwe na Nguluvi pamwi na vana vake ambaye nde lipinga lya vanu vevamdikiye Kilisito. Pambele akalongile kuva baluwa ilyo likali kwajili lya mdala yeahaguliwe na Nguluvi pamwi na vana vake. Natilo lya Yohani lya kusimba baluwa ilyi likali ndi kuvagangamacha vanu vevamdikiye Kilisito na kuvalongela vayitase na mawulanicho gya vawulanichi va udesi.

Gegagehe

Yohani ivanga kwa kuihumulila baluwa iyi isimba kwa va ani na kuvahungila vakwimba vake Yohani va uvili sula 1.1-3.

Baho akuvagangamacha vanu vevamdikiye Kilisito na kuvawuwisa lulagilicho lwelugehe lukomi Yohani va uvili musula lya 1.4-6.

Pambele akuvalakilila vayilolele na vawulanichi va udesi Yohani va uvili musula lya 1.7-11.

Yohani imala baluwa lyake na kuvalaga vakwimba vake Yohani va uvili musula lya 1.12-13.