1Timotewo

Baluwa lya kwanja lya Paulo kwa

Timotewo

Ulongolelo

Kiganulo kya Timotewo va kwanja ndi baluwa yeisimbilwe na mnjagila Paulo kuhelela kwa mchulila vake yeikemelwa Timotewo.

Iwesekana kiganulo iki kikasimbilwe myaka gya sitini na givili mbaka myaka sitini na gitai peababilwe suwe Yesu Kilisito. Chipindi baluwa iyi peisimbilwe ikali pepi na mwiso va kwikala kwa Paulo. Paulo akali mganja vake na Timotewo na mala cholofu akumlongelela kumkemela mwanavake Vafilipi musula lya 2.22,1 na Timotewo musula lya 1.2, 1.18.

Iyi nde baluwa imwi mugati lya baluwa chitai kuhuma kwa Paulo chechisindikwe kwa munu badala lya lipipinga lya vanu va Nguluvi vevamuidikiye Kilisito. Baluwa chingi chidatu ndi Timotewo va uvili na Tito na Filimoni. Timotewo va kwanja yigehe na mawulanichi gyolofu mukyanya gya lusuko lya lipinga lya vanu va Nguluvi vevamudikiye Kilisito musula lya 2.1-15, njumwa cha filongochi va lipinga lya vanu va Nguluvi vevamudikiye Kilisito musula lya 3.1-13 na masimbo gya vawulanichi va udesi musula lya 1.3-11, 4.1-5, 6.2-5. Baluwa iyi iwonesa Paulo peakumuwulanicha Timotewo kuvecha kilongochi mugati lya lipinga lya vanu va Nguluvi vevamudikiye Kilisito. Kiganulo kya Timotewo va kwanja kugehe na malagilicho gyolofu chechiwesa kuvatanga filongochi va lipinga lya vanu va Nguluvi vevamudikiye Kilisito kulongocha njowo cha lipinga lya vanu va Nguluvi vevamudikiye Kilisito lya pono.

Gegagehe mugati lya kiganulo

Paulo ivanga kwa kumuhungila Timotewo musula lya 1.1-2.

Pambele akumlalikila Timotewo kutigila vawulanichi va udesi musula lya 1.3-11.

Paulo iendelela kuhuvulila peihongocha kwa Yesu Kilisito musula lya 1.12-19.

Pambele Paulo akumlongela Timotewo kutigila kumlumba Nguluvi na vilongochi va lipinga lya vanu va Nguluvi vevamudikiye Kilisito musula lya 2-3.

Paulo imalilila baluwa lyake kwa kumgavila Timotewo malagilicho gya chipindi cha mwiso musula lya 4-6.