1 Vatesalonike

Baluwa lya kwanja lya Paulo kwa

Vatesalonike

Ulongolelo

Baluwa lya kwanja kwa Vatesalonike ikasimbilwe na Mnjagila Paulo musula lya kwanja. Iyi ivecha nde baluwa lya kwanja yeisimbilwe na Paulo na kuvikwa mu Bibiliya, iyi ikasimbilwe kumwaka va hamusini na yimwi peababilwe Yesu Kilisito. Paulo akali akwikala ku Kolinito peakaisimbile baluwa lya kwanja kwa vanu vevamdikiye Kilisito va Tesalonike, vanu avo vevamdikie Kilisito veakali avavangiche chipindi kya lugendo lwake lwa uvili lwa kudalika Njowo Nofu, Magito 17.1-10. Isimbilwe mukiganulo kya Magito kuva lipinga lya vadikila va Kilisito livangiche na vamonga va Vayawudi na Vayunani volofu.

Paulo seakasigalie ukoya ku Tesalonike kwa chipindi cholofu peakali avagiche lipinga lya vanu vevamdikie Kilisito, ndena akasimbile baluwa iyi neke kuvanamacha lipinga lya vanu vevamdikiye Kilisito vevakali ukoya. Baluwa iyi ihumilila njowo chongofu chongofu, kagi yiwulanicha malagicho molofu gyegiwulanicha peving'ang'wa lipinga lya vanu vevamdikiye Kilisito kwikala. Paulo alongile hilo kuwuya kwa Yesu Kilisito. Ivecha kuva lipinga lya vanu vevamdikiye Kilisito vevikalile ku Tesalonike vakeliswe hilo na mawulanicho agyo. Paulo igumbanikila mawulanicho gya kuwuya kwa Yesu Kilisito ngita ng'asi lya kuvagita vikale kwa kumkelesa Nguluvi, Magito 5.6-8.

Gegagehe mukiganulo kya kwanja kya Vatesalonike

Paulo avangile kusimba baluwa iyi kwa kuvahugila vanu vevamdikiye Kilisito na kumhongecha Nguluvi kwakuva lyao, Vatesalonike va kwanja 1.1

Baho ehumulila njowo cheagitile kwa avo vanu vevamdikiye Kilisito Vatesalonike va kwanja musula lya 2-3.

Pambele Paulo ihumulila namuna peikuvang'ang'a lipinga lya vanu vevamdikiye Kilisito kwikala kuno vakikolela uhuvilo vawo mpaka peiwuya Yesu, Vatesalonike va kwanja musula lya 4.1—5.15.

Paulo imalila baluwa lyake kwa kuvahungila kangi lipinga lya vadikila, na kulagicha kila munu mugati lya lipinga lya vanu vevamdikiye Kilisito ing'ang'wa akwimbe, Vatesalonike va kwanja musula lya 5.16-28.