1 Peteli

Baluwa lya kwanja lya

Peteli

Ulongolelo

Baluwa lya Peteli lya kwanja isimbilwe na mnjagila Peteli. Peteli asimbile baluwa lyake kwa kuvanga kwitambucha mwene ani na vala veakuvasimbiya va ani. Peteli asimbile baluwa kwa vanu vonda vevamdikie Kilisito, vevikwikala muinyi “Ngita vayungi” Musula lya 1.1. Mwene mala njongofu akavakemelie vayungi vala yeasimbiye vakwimba baluwa chake kwa namuna iyi kuwonesa kuva asimbile mwene. Kwakuva baluwa iyi iwana na baluwa lya Paulo yeavasimbiliye Vaefeso, vanu volofu vakadikile kuva baluwa lya Peteli lya kwanja isimbilwe peisimbilwe baluwa kwa Vaefeso mu chipindi cha mwaka va sitini na chihanu peababilwe suwe Kilisito. Peteli akasimbile baluwa iyi peagehe ku mwani va Loma yemwene akapakemela ku Babiloni. Musula lya 5.13.

Peteli ilongela kuva akasimbile baluwa iyi neke, kuvanamacha na mswida kuva iyi ndi usangi va Nguluvi, musula lya 5.12. Kugehe makani gyolofu ga uwano mugati lya baluwa lya 1 Peteli 2.11—3.7 na gala gegasimbilwe mu kiganulo kya Vaefeso 5.18—6.9 na gala gegasimbilwe mu kiganulo kya Vakolosai 3.18—4.6. Masimbo aga gyonda gidatu gihumulila namuna lya kwikala ngita kaye yimwi na kuvapulikicha vene ukomi. Peteli kangi akuvanamacha vanu vevamdikile Kilisito vagangamale pevichumba mu magudo kwakuva figono fya mwiso figehe pepi kwacha, musula lya 4.1.

Gegigehe

Mukiganulo kya Peteli va kwanja Peteli ikwiyitambucha yemwene na akuvatambucha vakwimba vake. Musula lya 1.1-2.

Kangi akumuhongecha Nguluvi kwa ukombosi wula vanu veviudikila na namuna veukuvatanga mu kwikala kwawo. Musula lya 1.3—2.10.

Pambele akuvalongela vanu vevamdikie Kilisito namuna lya kwikala unofu muinyi na kulanducha namuna chongofu cha kuvagundamikila ngita fila kumgundamikila mgosi na mdala na msutu na mtwa vake. Musula lya 2.11—4.11.

Pambele Peteli akuvanamacha kuhuvilila pevichumba mu magudo. Musula lya 4.12—5.11.

Baho akasindile kusimba baluwa lyake. Musula lya 5.12-14.