1 Yohana

Baluwa lya kwanja lya

Yohana

Ulongolelo

Baluwa lya kwanja lya Yohana ikasimbilwe na Mnjagila Yohana mugatigati lya mwaka 85-90 peababilwe suwe Yesu Kilisito. Yohana seakayitambuche yumwene kuva ndi asimbile, ila musula ya kwanja yiwonesa ngita mswida yealolile kwa meho gake uwumi na uchulubuko va Yesu Yohana kwanja 1.1-3. Kangi namuna lwa kusimbwa kwa Yohana va kwanja kuwana hilo na kula kusimba kwa kiganulo kya Njowo lya Yohana. Yiwonekana Yohana nde yeasimbile Njowo Nofu ngita peikasimbilwe na Yohani kwanja na Yohana va uvili na baluwa lya Yohana va udatu Yohana chipindi peakali akwikala ku mwani va Efeso.

Yohana akasimbile baluwa iyi kwa vanu vavakumdikila Kilisitio muchipindi ambakyolipinga lya vanu vevakumdikiya Kilisito likali muutatala kuhuma mu lipinga lya vanu vevikwikemela “Vaginositiki.” Vakayidikile kuva Yesu akali Nguluvi Ndakyene, ila sevakaidikile kuva akali munu peakali muinyi. Kwakuva ilyo Yohana akasimbile kutigila makani geagawonile chipindi kya uwumi va Yesu na kuva yumwene akampyalise kwa mawoko gyake musula lya 1.1-3. Yohana akasimbile baluwa iyi neke luhekelelo vake uveche suwe musula lya 1.4, na kuvakanila vanu vevakumdikila Kilisito vabihile kugita nogwa musula lya 2.1, na kuvadima vanu vevakumdikila Kilisito vabihile kufwata mawulanicho gya udesi musula lya 2.26, na kuvalongela undakyene kuva vanu vevakumdikila Kilisito davilowolwa musula lya 5.13.

Gegagehe

Yohana ivanga baluwa lyake kwa kuhumulila natilo limwi lyelimgitile asimbe baluwa ilyo musula 1.1-4.

Baho, ihumulila Nguluvi ndi welu na kuva tung'ang'wa kwikala ngita Yesu peakalile musula lya 1.5—3.10.

Ndeni ndeni akutuwiwusa lagiicho lya kwikela musula 1.11.

Yohana imalila baluwa lyake musula lya 5.13-21.