Vakolindo

Baluwa lya kwanja lya Paulo kwa

1 Vakolindo

Ulongolelo

Kiganulo kya kwanja kya Vakolindo kikasimbilwe na mnjagila Paulo mumyaka va hamusini na gihanu baada lya kubabwa Yesu. Musula lya 1.1.

Iyi nde baluwa lya kwanja mugati lya baluwa chivili cha Paulo cheavasimbiliye lipinga lya vanu vevamuidikiye Kilisito ukoya ku Kolindo. Pangi akasimbile baluwa chipindi kya kwikala ku Ifeso kabula lya natilo lya kugendelela ukoya ku Kolindo peakali lugendo kwelela ukoya kuchumbila ku Makedenia musula lya 16.5-9.

Baluwa iyi ndelihigo lya njowo cheawanuke Paulo kuhuma kwa vamonga va vanu kuhuma kwa lipinga lya vanu vevamudikiye Kilisito kutigila makani manjanganifu gegikali gihumila, gakiva kuyaganika na ugoni. Mwani va Kolindo ukachelike hilo kwa lukani lwa ugoni, kwa ndeni selukani lwa kududuva kuhumila ata mulipinga lya vanu vevamudikiye Kilisito lya ukoya ku Kolindo likali na makani aga. Kangi Vakolindo va kwanja, kugehe na sula yeichelwa hilo lya lukelo, musula lya 13.

Gegagehe

Paulo akuvahungila Vakolindo na kumuhongecha Nguluvi kwakuva lyawo musula lya 1.1-9.

Kangi, ihumulila makani gyeawanuke kutigila kuyaganika mulipinga lya vanu vevamudikiye Kilisito va ukoya ku Kolindo musula 1.10—4.21.

Ndeni ndeni, ihumulila makani gya ugoni na makani ga kwisindika ku lidamo musula lya 5-6.

Peamalile ago, akahumulila lulagilicho kutigila kutola na kutawuka, kuhecha usembe kwa ming'omong'omo, lufunyo lwa kudadava, fupo cha kimuhe na makani ga kuchulubuka musula lya 7-15.

Asindile kwa kulagicha makani geging'ang'wa kugitwa ila na makani ga munu yumwi yumwi musula lya 16.