Lɔm

Mɛkana ɛ Pɔl nakwyal bot ɛ ghaada

Lɔm ɛ

Ɛniel

Ɛsuk ɛ etɛp ee mɛkana mak nakwyalaa ɛ

Mɛkana mak ɛ́ mɛkana ɛ Pɔl nakwyal nɛ bot ɛ di edum koŋ nɛ Zɛɛb pɛ kɔ ghaada Lɔm ɔ. Ye nabɛ ɛ́, nyɛ dinaa ààkum penek, yɛ ɛ́ dhiiti mot ɛ nagoola bɛ Mbɛɛ Bhaadal nɛ ɛduu ɛ́ bɛ Zɛɛb. Pɔl nakwyal bɛmɛkana mak ɛ́, étɛp bɛ neegu nyɛ. Dum nɛ tɛp tak ɛ nyɛ di eke nɛ nɔɔ náá, é ghɛŋ nyɛ aadi etɔ́ pɛ kyee dik Ɛspanyɛ ɛ, nyɛ waadhaa pɛ daa lɔɔ, étɛp nyɛ needjɛ bɛ mɛghaaz tɔ mɛsa mɛ Klisto. Nyɛ naabaake nɛ nɔɔ náá, bɛ djaala étɛp nyɛ neebela ghwyil ɛtɔ́ mɛdjoŋ.

Tɔ mɛkana mak, Pɔl naalyaal bɛ náá, ɛdum ɛ koŋ nɛ Klisto ɛ́ mbɛɛ sonok. Nyɛ nake ɛ́ náá, yɛ ɛ́ bot ɛ bɔs djas ɛ nasa mesyem, étɛp tak ɛ, bɛ di ààbela duma ɛ Zɛɛb. Tin, nenak, bɛ ɛ́ nɛ ghwyil ɛbula tɔ ɛgwakel nɛ nɛ, tɔ ɛgwakel nɛ Yezu Klisto. Zɛɛb naasɛ́ɛ Pɔl étɛp nyɛ needi mot-lwoma, étɛp ɛgoola Mbɛɛ Bhaadal. Pɔl naake náá, embɛɛ mɛkpa menek ɛ́ mɛbwala ɛ Zɛɛb étɛp bot djas di edum koŋ nɛ Zɛɛb ɔ. É di'enek, mot tok nɛ ghwyil ɛke náá, nwyak mot ɛ́ mot mbyak eYuda nɛghu nwyak mot tok mot mbyak eYuda. Etɛɛ náá, pɛ daa Zɛɛb, bot djas di edum koŋ nɛ Zɛɛb ɔ, bɛ ɛ́ djala, ye tok nɛ mot di edhaa mɔɔ sɔ. Nyɛ naasa náá, bɛ di bot ɛ epiki, dáa Ekwyala di elɛɛ ɛ. Deenek, Ekwyala lɛɛ ɛ́ náá: «Mot epiki aadi nɛ tsik ɛ́ tɔ ɛdum ɛ koŋ ɛ lɛ nɛ Zɛɛb» (

Mɛkana mak, mɛkana mɛ Pɔl nakwyal nɛ bot ɛ ghaada Lɔm ɛ́ nadyeebalii ɛ́ tɛp enɛm esa, kana dwoo lenek, ekeletyɛ naamyaala nɛ yɛ ɛnyɔɛpe.

Mɛtsek mɛ mɛkana mɛ tak ɛ́:

Pɔl naagoola Mbɛɛ Bhaadal (

yɛ ɛ́ bot ɛ bɔs djas ɛ nasyem (

dáa Zɛɛb nasa náá bot ɛ bɔs bela epiki ɛ (

bot ɛ zedum koŋ bɛ Zɛɛb ɔ waabela tsik na bes (

Zɛɛb eebet bot ɛ mbyak Yisalaɛl, tin, yɛ ɛ́ étɛp ba mɔɔ ɛwala (

tsik na bes tɔ mɛkwyɛla (

sa Pɔl namyam ɛsa ɛ, nɛ mɛswosel (