Filemɔŋ

Mɛkana ɛ Pɔl nakwyal

Filemɔŋ ɛ

Ɛniel

Filemɔ nabɛ ɛ́ mɔɔ sɔ ɛ Pɔl mot-lwoma. Yɛ ɛ́ Pɔl ɛ nagoola nyɛ Mbɛɛ Bhaadal, tin, nyɛ ɛ́ boodi keletyɛ. Filemɔ nabɛ ɛ́ mot ekum, nyɛ nabaadi ɛ́ nɛ ekwom e bot. Onezim nabɛ ɛ́ ngɔt tɔ ekwom ɛ Filemɔ. Tin, nyɛ naakaab kukuma yɛ, wɔ gwaa, nyɛ kɛboma nɛ Pɔl pɛ nyɛ nadi tɔ membok ɛ. É di'enek, Onezim tak nabɛ ɛ́ nyɛ moo yɛ keletyɛ. Deenek, Pɔl naazɛswaal Onezim pɛ daa Filemɔ kukuma yɛ nɛ ɛtom ɛ mɛkana. Filemɔ aakomyaal Onezim pɛ yɛ tin dáa?

Mɛkana mɛ Pɔl nakyeed pɛ daa Filemɔ ɛ nabaadi ɛ́ yii bot ɛ zɛɛga mendjaala yii bɛ nadi esɛɛga tɔ ndjaŋ'ɛ ɛ (ɛlaŋel ebá

É ghɛŋ yenek, ekum e kyee dik Lɔm djas nadyeebadus ɛ́ tɔ mɛsa mɛ ekwom e bot. Tin, mɛtaŋ mɛ ekwom e bot nazobaadi ɛ́ djala nɛ mɛtaŋ mɛ bɛnakuma dik Lɔm. Ekwom e tak nadi esesa ɛ́ membi mɛ mɛsa djas, tsik'ɔɔ djas nabaadi ɛ́ é mɛmbɔ mɛ ekukuma bɔɔ. Tin, kwom ngɔt ɛ kaab ɔɔ, nyɛ goka ɛ́ nɛ waaa é feŋ ɛlyelɛpe di nɛ ghwyil ɛsa náá, nyɛ gwyɛ ɛ.

Tɔ mɛkana mɛ nyɛ nakwyal ɛ, Pɔl nawaab nɛ Filemɔ ɛ́ náá, nyɛ myaal Onezim nɛ mbɛɛ lyem dáa mɔn-nyɛɛg keletyɛ. Etɛɛ náá,

Ekeletyɛ mɛkɛn, é yɔbɔ ghɛŋ, bɛ nabɛ ɛ́ ààbɛ nɛ ghwyil ɛswoola di ekwom bɔɔ da bɛ ɛ́ di bot ɛ di pɛka ɔ. Tin, ɛdum ɛ koŋ nɛ Yezu Klisto ɛ di swoola mbee tsik tɔ etɛp e bhwak. Mɛlyo mɛ kwyɛl ɛ́ nɛ ghwyil ɛswoola tsik mot tɔ sɔ, baaswoola dɔɔ nɛ tsik mɛdhuu mɛ bot.