Zaŋ

Mbɛɛ Bhaadal ɛ

Zaŋ

Ɛniel

Mbɛɛ Bhaadal ɛ Zaŋ nakwyalaa ɛ étɛp ezɛɛga ekeletyɛ nadidi pɛ kyee bɔs Siili nɛghu pɛ kyee dik Azi Minɛl, dɔɔ nɛ kyee bɔs di djóoaa mos Tuulki ɛ.

Mɛkana mak ɛ́ koobela mɛtsek-mɛtsek. Etɛp nɛ mɛkpa mɛ di kwyala tɔ tak ɛ, tok tyee wat nɛ bɛdhiiti bɛmɛkana mɛ embɛɛ ɛ mɛbhaadal. Nyɛ ɛpedjɛ bɛtɛ nɛ duu tɔ ɛtiibal etɛp di syela tɔ mɛkpa nɛ mɛsa mɛ Yezu nadi sa ɛ.

Ɛtsek ɛ mɛkɛn mɛ mɛkana mɛ tak ɛ, ɛlaŋel ɛ wat kɛyaka nɛ ɛlaŋel ɛ kam nɛ ebá (

Ɛtsek ɛ ebá e mɛkana, ɛlaŋel kam nɛ elɛl kɛyaka nɛ ɛlaŋel mɛkam-mɛmbá nɛ wat (

É mɛsik mɛ mɛkana, Ekwyala lyaal ɛ́ etɛp ee nasael é ghɛŋ ɛsyee ɛ Yezu ɛ. Nɛ bɛtɛ nɛ etɛp ee di nɔŋel nɛ yii bɔɔ Matye ɛ, Malak nɛ Luk nakwyal ɛ. Ɛlaŋel kam nɛ etɛn nɛ elɛl nɛ ɛlaŋel kam nɛ etɛn nɛ ená (

Yezu naatel bɛdjekel bɛ nyel nyɛy nɛ tsik, dwoo ɛbyoŋ ɛ eYuda di edjóoaa Pak ɛ; ɛlaŋel mɛkam-mɛmbá nɛ mɛkam-mɛmbá nɛ wat (

Mbɛɛ bhaadal ɛ Zaŋ dyeebalii ɛ́ nɛ dhiiti mbi zɛɛga eYuda, bot ɛ mɛbhuka ɛ Yezu. Deenek, daŋ-daŋ ɛ, ekukuma e eYuda nabɛ ààdi ekwyɛl nyɛ. Bela náá, Yezu nyɛ ɛmet nadi ɛ́ mot dhaad mbyak eYuda, dɔɔ nɛ bɛdjekel bɛ yii mɛkɛn pe. É sok Zaŋ di elii nɛ eYuda ɛ, nyɛ ààzolii-liiak nɛ bɔɔ bɛmet, tin, nyɛ lii ɛ́ nɛ bot ɛ mɛbhuka ɛ Yezu Klisto djas kɔ ɛko ɛ bɔs.

Mbɛɛ bhaadal ɛ Zaŋ ààkaada ɛbyel ɛ Yezu nɛ ɛkɛn ɛ mɛsa mɛ tɔ bot. Tin, é mɛkɛn mɛ mɛkana, nyɛ lɛɛ bot ɛ náá, Yezu Klisto ɛ́ «Mɛkpa mɛ Zɛɛb» nalookan ɛdi é di wat bɛ nɛ Zɛɛb ɛ; ɛlaŋel ɛ wat, ze mɛken kɛsik nɛ yii kam nɛ etɛn nɛ elɛl (