Kolɔs

Mɛkana ɛ Pɔl nakwyal bot ɛ ghaada

Kolɔs ɛ

Ɛniel

Ghaada Kolɔs ɛ́ ghaada di pɛ ɛsila ɛ dwoo kyee dik Azi Minɛɛd, di edjóoaa mos Tuulki ɛ. Deenek, Pɔl nabɛ ɛ́ ààkɛbee bot ɛ zɛɛga mendjaala ghaada yenek. Mot nakus yɛ ɔ, ye nabɛ ɛ́ Epafalas, ngɔt tɔ sama bɔn-nyɛɛg bɛ nɛ bɛnɔɔ di esa mɛsa ɔ (

Pɔl naagwak náá, bot ɛpekɔɔ ekeletyɛ tɔ zɛɛga mendjaala ghaada yenek. É sok bot binɔk nadi elyo bot ɛ, ye nabɛ ɛ́ ààdi tyee wat nɛ mɛlyo mɛ Mbɛɛ Bhaadal bot ɛ lwoma nalyo é mɛkɛn ɛ. Bɛ ɛpelɛɛ nɛ bot ɛ ghaada Kolɔs náá, bɛ du mɛtiŋ mɔɔ na mwa, nɛ ɛbaasa náá, bɛ duwal dhiiti membi mɛ mɛbwala mɛ di kɔ ɛko ɛ bɔs ɛ. Pɔl tɔ membok, nyɛ tok nɛ ghwyil ɛte ko, nyɛ bookwyal mɛkana nɛ bot ɛ Kolɔs.

Mɛkana menek lyaal bot ɛ́ «mbi mot Klisto di ɛ́!» Ye kwyɛl ɛlɛɛ ɛ́ náá, mot Zɛɛb nazesɛ́ɛ nɛ ɛlwom étɛp ɛtsik ɛ bot ɔ. Pɛ Kolɔs, bot nɛ gwak bwoo nɛ esa e mɛbwala di ààbeeaa nɛ mis, da yɛ ɛ́ di nɛ ghwyil mɛbwala kɔ bɔs ɛ. Ghuna,

Tɔ mɛkɛn mɛ mɛkana mak, ɛlaŋel

Bhii tak, mot nakwyal mɛkana ɔ ɛpelɛɛ nɛ ekeletyɛ Kolɔs náá, bɛ ɛ́ kobaka,

Étɛp ɛsilal, mɛkana ɛ́ ɛpedjɛ mɛlyo étɛp mot needi nɛ embɛɛ mɛfulu tɔ zɛɛga bot, tɔ mɛbyel mɛ, dɔɔ nɛ kɔ ɛko ɛ bɔs,

Mɛkana tak kɛsik ɛ́ nɛ bɛmɛswosel (

Mɛkpa mɛ di tɔ mɛkana nakyeedaa pɛ daa bot ɛ ghaada Kolɔs ɛ, ye dinaa dɔɔ nɛ mos ɛ́ nɛ mɛtaŋ. Klisto eepɛk bot ɛ bɔs si ghwyil bot ɛ mɛbhuka. Nyɛ eebaapɛk bot ɛ zɛɛga mendjaala nɛ sa nadi ebɛk bɛ ɛ, nɛ sa di esa náá, bɛ syaala ɛ.