1 Timote

Mɛkana ɛ Pɔl yii Mɛkɛn nyɛ nakwyal

Timote ɛ

Ɛniel

Sɛɛg ɛ Timote nabɛ ɛ́ mot mbyak eGhɛlɛk, nyɛɛg nabɛ ɛ́ mot mbyak eYuda. Nyɛɛg naazɛdum koŋ nɛ Klisto. Ye nabɛ ɛ́, é mɛdjoŋ mɛ ebá ɛ Pɔl yii ɛkɛgoola Mbɛɛ Bhaadal ɛ nyɛ naboma bɛ nɛ Timote é sok mɛkɛn tɔ ghaada Lisetɛ pɛ kyee dik Azi (di edjóoaa mos Tuulki ɛ, tɔ

Kana tin, Timote nadi ɛ́ nyɛ moo mot ngot tɔ bot ɛ nadi egyee mɛlu djas bɛ nɛ Pɔl mot-lwoma ɔ. Tin, nyɛ nadi ekyeed nyɛ, nyɛ tɔ́ bɛtɛ mɛdjoŋ mɛ ɛkɛgoola Mbɛɛ Bhaadal. Pɔl nadi ekyekyeed nyɛ é bɛtɛ nɛ elwomel na lyel-lyel pɛ daa bot ɛ zɛɛga mendjaala nadi tɔ etɛp ɔ. Yɛ ɛ́ dum nɛ tɛp tak ɛ din ɛ Timote di elaŋaa tɔ mɛkana mɛ Mɛsa mɛ bot ɛ lwoma (

Mɛkana mɛ ɛpebaadjɛ mɛtiŋ dum nɛ mendjaala, dáa zɛɛga mendjaala di egoka nɛ ɛkɛ ɛ, zɛnɔɔ dhatyee bɛdjɛɛdel di egoka nɛ ɛdjɛɛd zɛɛga mendjaala ɛ.

Pɛ mɛsik mɛ mɛkana, ye ɛpedjɛ mɛlyo nɛ Timote étɛp nyɛ neegu dáa nyɛ di egoka nɛ ɛsa mɛsa ɛ Zɛɛb ɛ. Dɔɔ nɛ ɛkwyee membi mɛ mɛdhuu mɛ bot ɛ di tɔ ndjaa mendjaala ɔ, étɛp nyɛ needi mbɛɛ mot-mɛsa ɛ Yezu Klisto (

Tin, bot ɛ nɛ ghwyil ɛke náá, mɛkana mak ɛ́ nɛ mɛsuk mɛmbá: ɛsuk wat ɛ́ mɛlyo dum nɛ bot ɛ ezɛɛga mendjaala djas, nɛ bɛdjɛɛdel bɔɔ (

Ye tok náá, bɛ besal ɛ bot ɛ zɛɛga mendjaala nɛghu bɛdjɛɛdel náá, bɛ di nɛ ɛlooba nɛ bhel ààkwyii-ko. Tin, yɛ ɛ́, ɛwa lyem tɔ ɛdum ɛ koŋ ɛ di egoka nɛ ɛdi pyeta tɔ mendjaala nɛ ɛduwal ɛ Yezu Klisto, Mɛtsik-bot yenaka (