1 Zaŋ

Mɛkana ɛ

Zaŋ

yii mɛkɛn

Ɛniel

Ye nabɛ ɛ́ nɛ bɔɔ mɛkana mɛlɛl mɛ Zaŋ nakyaal nɛ bot ɛ nadi tɔ edhiiti eghaada ɔ. Tɔ sama bɛmɛkana menek, mɛkana mɛ mɛkɛn ààlyaal din ɛ mot nakwyal mɛkana mɛ tak ɔ. Mot nakwyal mɛkana mɛ bhɔɔba nɛ mɛkana mɛ mɛsik ɔ, yɛ ɛ́ «Paa». Nyɛ ɛ́ mot di edjɛɛd zɛɛga mendjaala ɔ, bot ɛ nyɛ di ekwyal bɛmɛkana kɔ ɛsu ɛ lɔɔ ɔ nɛ kaab nyɛ.

Tɔ mɛkana mɛ mɛkɛn, din ɛ mot di náá, mɛkana mak kyeedaa ɛ́ pɛ daa lɛ ɔ ààgua. Mɛkana mɛ bhɔɔba nakwyalaa ɛ́ «Moma Zɛɛb nasɛ́ɛ ɔ dɔɔ nɛ bɔn bɛ», ye kwyɛl ɛlɛɛ ɛ́, zɛɛga mendjaala mɛ ekeletyɛ dɔɔ nɛ bot ɛ zɛɛga tak. Mɛkana mɛ elɛl nakwyalaa ɛ́ etɛp keletyɛ wat nɛ din ɛ Ghayus. Nyɛ ɛ́ wat tɔ sama bot ɛ zɛɛga mendjaala, pɛ ekeletyɛ di nɛ etɛp pak'ɔɔ ɔ.

Bɛmɛkana mɛlɛl mak nakwyalaa ɛ́ étɛp ezɛɛga mendjaala, bot ɛ di egu Mbɛɛ Bhaadal ɛ Zaŋ ɛnyɔɛpe ɔ. Ye moo mos ɛ́ nɛ bɛtɛ nɛ membu bhii bɛ nagoola Mbɛɛ Bhaadal é mɛkɛn tɔɔɔ ɛ Yezu Klisto ɛ. Bɛdhiiti ekeletyɛ nalaa Mbɛɛ Bhaadal ɛ Zaŋ tak ɔ, bɛ nabɛ ɛ́ ààmyaala nɛ esa djas bɛ nagwak tɔ mɛkana mɛ ɛ. Bɛdhiiti naadus tɔ ezɛɛga mendjaala mɔɔ. Bak bot eekus ɛzɛm pak'ɔɔ. Bɛ ààkwyɛl ɛmyaal náá, Yezu nazyɛ kɔ bɔs ɛ́, nɛ nyel epuud. Tin, bɛ tok nɛ gwyes Yezu: Tsik'ɛ nɛ ɛsyee ɛ lɛ é mis mɔɔ ɛ́ toto. Bɛ ke ɛ́ náá: «Bis tok nɛ mesyem», «Bis nɛ gu Zɛɛb» nɛghu «Bis ɛ́ tɔ gwyɛ». Tin, tsik'ɔɔ lyaal ɛ́ sa sis.

Mot nakwyal bɛmɛkana mɛ tak ɔ ɛpedul ekeletyɛ mɛlɔ, étɛp bɛ needi ààgwak elɛŋ etsal ee bot di elɛɛ bɛ dum nɛ Yezu nɛghu Zɛɛb ɔ. Tinaak, tɛtɛ bɔn ɛ Zɛɛb ke ɛ́ náá,