Gesami Hea:su 5

Gode Ea Gaga:ma:ne Sia:ne Gadosu

1Hina Gode! Na sia: nabima,

amola na gogonomasu nabima.

2Na Gode amola na Hina Bagade!

Na Dima fidima:ne wele sia:sea,

Di da na wele sia:su nabima.

Hina Gode! Na da Dima sia:ne gadosa.

3Di da na sia: hahabe naba.

Eso mabe galu na da Dima sia:ne gadosa,

amola Dia adole iasu ouligisa.

4Di da wadela:i hou amo hahawane hame ba:sa.

Wadela:i hou da Dia midadi dialumu da hamedei.

5Dia da gasa fi dunu amo ba:mu bagadewane higasa.

Di da wadela:i hamosu dunu huluane higasa.

6Di da ogogosu dunu huluane wadela:lesisa.

Amola nimi bagade ogogosu dunu, amo Di higasa.

7Be na da Dia diasu ganodini golili sa:imu dawa:.

Bai Di da asigi bagadedafa dunu.

Na da Dia hadigi Debolo diasu ganodini Dima muguni bugili,

Dima nodomusa: dawa:.

8Hina Gode! Nama ha lai dunu da bagohame gala.

Dia hanai hawa: hamomusa: amoga na oule masa.

Amola, na da moloiwane masa:ne, na logo noga:le fodoma. 91

Na ha lai dunu ilia sia:be amo da dafawaneyale hame dawa:mu.

Ilia da gugunufinisimusa: fawane dawa:.

Ilia sia: da sefe agoai ba:sa,

be ilia dogo ganodini hohonosu hou fawane ba:sa.

10Hina Gode! Di ilima fofada:nanu, se bagade ima.

Ilisu ilia wadela:i sia: dasu da ilima wadela:su liligi ba:mu da defea.

Ilia da wadela:i hou bagade hamobeba:le, amola Dima odoga:beba:le,

ili gadili sefasima.

11Be nowa da Dia gaga:su ba:sea da hahawane bagade ba:mu.

Ilia da eso huluane Dima hahawane nodone gesami hea:lalumu.

Dima asigisu dunu amo Di gaga:ma.

Ilia Diba:le, hahawane houdafa dawa:.

12Nowa dunu da Dima nabawane fa:no bobogesea, Di da hahawane fidisa.

Dia asigidafa hou da ilima gaga:su liligi agoai ba:sa.