Gesami Hea:su 137

Mugululi Asi Isala:ili fi Dunu ilia Fofagini Disu

1Ba:bilone hano bega: ninia da fi dialu.

Amogawi, ninia da Saione Moilai Bai Bagade dawa:beba:le, fofagini dinanu.

2Ninia da ‘yodima’ ifa damana, ninia sani baidama gosagisi.

3Dunu amo da nini gagulaligi, ilia da ninima amane sia:i,

“Ninia hahawane nabima:ne, Saione ea hou olelema:ne, gesami hea:ma.”

4Be ninia da habodane ga fi soge ganodini,

Hina Godema nodone gesami hea:ma:bela:?

5Yelusaleme! Na da di gogolesea,

na da sani baidama bu hamedafa dumu da defea.

6Na da di gogolesea,

amola di da na baligili hahawane hou bai diala amo hame dawa:sea,

na da bu gesami hea:mu logo hamedafa ba:mu da defea.

7Hina Gode! Idome dunu ilia da Yelusaleme doagala:le, hasalasi dagoi,

Dia amo hou bu dawa:ma.

Ilia amane sia:i, “Yelusaleme dafawanedafa muguluma.”

Dia amo hou bu dawa:ma. 81

Ba:bilone moilai bai bagade! Di da gugunufinisi dagoi ba:mu.

Di da ninima wadela:i hou bagade hamobeba:le,

nowa da dima se dabe iasea, da hahawane bagade ba:mu.

9E da dia mano dudubu amo sasamogene,

gele da:iya gisalu gagala:mu da defea.