Gesami Hea:su 111

Hina Godema Nodosu

1Hina Godema nodoma! Na asigi dawa:su huluane amoga,

na da dunu ilia gilisisu ganodini, Hina Godema nodone sia:mu.

2Hina Gode Ea hamobe da noga:idafa.

Dunu huluane ilia da Ea hamonanebe hahawane ba:sa,

ilia da amo hou dawa:digimusa: hanai gala.

3Ea hamobe huluane da hadigidafa amola noga:idafa.

Ea moloidafa hou da eso huluane mae fisili, dialalalumu.

4Hina Gode da Ea noga:idafa hou, ninia mae gogolema:ne, hamosa.

Ea hou da asigidafa

amola E da gogolema:ne olofosu dawa:.

5E da nowa dunu da Ema nodone dawa:lalebe, ilima ha:i manu iaha.

E da Ea gousa:su ninima hamoi, amo hamedafa gogolesa.

6E da ga fi dunu ilia soge samogene, Ea fi dunuma iabeba:le,

Ea gasa bagade hou ilima olelei dagoi.

7Ea hamobe huluane amo ganodini,

E da mae afadenene moloidafa fawane hamosa.

Amola Ea hamoma:ne sia:be da hamedafa afadenesa.

8Hina Gode da dafawane amola moloidafa agoane, Ea sema ninima i.

Ea hamoma:ne sia:i liligi da eso huluane dialumu.

9E da Ea fi dunu halegale masa:ne, ilia se iasu diasu logo doasi dogoi.

E da ilima eso huluane dialumu gousa:su hamoi.

E da hadigidafa amola gasa bagade gala. 101

Dilia asigi dawa:su bagade lamusa: dawa:sea,

Hina Gode Ea Dio nodone gaguia gadoma.

E da nowa: dunuma Ea hamoma:ne sia:i amo nabawane hamosea,

hou eno da noga:i, amola eno da wadela:i amo dawa:digima:ne, dawa:su iaha.

Eso huluane mae fisili, Ema nodonanumu da defea.