Fofagini Disu 4

Yelusaleme Dafai amo Ea Fa:no Hou

1Ninia sinenemegi gouli da gumi dagoi.

Debolo Diasu gagui gele da logoba:le, afagogolesi diala.

2Dunu da gouli bagadewane hanai, amo defele,

Saione moilai bai bagade ayeligi amola a:fini da ninima dogolegei.

Be wali, ninima ha lai dunu ilia da ninia ayeligi amola a:fini amo osoboga hamoi ofodo agoai ba:sa.

3‘Wufi’ wa:me eme da ea manoma ha:i manu imunusa: dawa:.

Be na fi dunu da dalamole sio agoane, ilia manoma hame asigisa.

4Ilia da mano dudubuma ha:i manu amola hano hame iabeba:le,

ilia mano da udigili bogogia:sa.

Mano ilia da ha:ga, ha:i manu ha:giwane edegesa,

be dunu afaega ilima hamedafa iaha.

5Dunu amo da musa: ha:i manu ida:iwane nasu,

be ilia da logoba:le udigili ha:ga bogogia:lala.

Dunu amo musa: ilia ame amola ilia ada

ilia da bagade gaguiwane noga:le bugili iasu,

be wali ilia da isu salasua gila:leboba:sa lafia:sa. 61

Sodame fi dialu da Gode Ea hamobeba:le hedolowane se nabawane dafai.

Be na fi ilia se dabe iasu da amo ilia se dabe iasu baligi dagoi.

7Ninia hina bagade ea mano da ledo hamedei,

hou noga:i amo da fedege agoane ahea:iya:i anegagi ofo defele ba:su.

Ilia da gasa bagade, mae olole, dagumui amola hahawane bagade ba:i.

8Be wali, ilia da udigili logoba:le, ilia odagi da ginafoi, ilia da:i da hafoga:le,

ifa bioi agoane ba:le, geloga:le, gasa dabua heda:i ba:sa.

9Dunu da ha amoga gegenana bogoi, ilia da hedolowane hale bogolegai.

Be dunu amo da fa:no bogogia:i, ilia da ha:ga se lalaba ahoanawane bogogia:i. 102

Gugunufinisisu hou da na fi dunuma doaga:beba:le, ilia da bagade beda:i.

Eme ilia da ili dogolegei mano amo ili gobele mai.

11Hina Gode da Ea gasa bagade ougi hou ilima iasi.

E da Saione moilai bai bagade laluga ulagisili,

moilai bai bagade da huluane nene sa:i.

12Fifi asi gala dunu huluanedafa amola ga fifi asi ouligisu dunu,

ilia da ha lai dunu da Yelusaleme logo ga:su golili sa:imu

Amo da hamedei agoane dawa:i.

13Be ha lai da golili sa:i dogoi.

Bai Yelusaleme fi balofede dunu ilia wadela:le hamoi,

amola ilia gobele salasu dunu da moloidafa dunu

amo medole legema:ne hamoi.

14Yelusaleme ouligisu dunu da si dofoi dunu agoai,

udigili logoba:le dadoula ahoanusu.

Ilia da:i da maga:mega uduli gafoiba:le, enoga ili digimu higa:i galu.

15Dunu ilia da amane halale sia:i,

“Gasigama! Dilia da ledo hamoi dagoi! Na mae digima!”

Amaiba:le, ilia da fifi asi gala amoga da:neboba: lafia:i.

Be ili da enoga hame lale sali.

16Hina Gode Hisu da ili afagogolesi.

Bai E da ili yolesi dagoi.

Hina Gode da ninia gobele salasu dunu

amola ninia ouligisu dunu ilima hame asigi galu.

17Ninia da fidisu hohogola lai, be hamedafa ba:i.

Ninia da fifi lai dunu enoga nini fidima:ne ouesalu,

be enoga nini fidisu hame ba:i.

18Ninima ha lai dunu da nini medomusa: desega dialu.

Amaiba:le, ninia da logoba:le lafia:lumu gogolei.

Ninia eso da baligi dagoi ba:i.

Dagosu da doaga:i.

19Buhiba da hedolowane muagadonini gogila dabe defele,

ilia da nini gagumusa: segala:i.

Ilia da agolo damana nini gagumusa: segala:i.

Ilia da nini hafoga:i sogega gagulaligiba:le, ninia da fofogadigi.

20Hina Gode da ninia hina bagade ilegei.

Amo dunu da ninia esalusu ea bai galu.

Nini da ea fawane ninima ha lai dunu huluane ilima gaga:mu, amo dafawaneyale dawa:i.

Be ninima ha lai ilia da ninia hina bagade gagulaligi.

21Defea! Dilia Idome fi amola Ase fi dunu.

Oufesega:ma! Nodomu galea, nodoma!

Dilima gugunufinisisu da doaga:mu!

Dilia amolawane da da:i nabadowane gogosiane dadoula masunu.

22Saione moilai bai bagade da ea wadela:i hou amo dabe i dagoi.

Hina Gode da nini mugululi asi amo ganodini bu bagade hame esaloma:mu.

Be Idome fi, dilia! Hina Gode da dilima se iasu imunu.

E da dilia wadela:le hamobe, dunu huluane ba:ma:ne, olemu.