Yoube 3

Yoube da Godema Egasu

11

Eso fesuale da baligili, Yoube da ouiya:le esalu amo sia:baoui amola e lalelegei eso amo gagabuli amane sia:i,

2- 3“A:i! Gode! Na lalelegei eso amoga gagabuli sia:ma!

Na:mea hagomo ganodini hamobe galu amoga gagabuli sia:ma!

4Gode, amo eso bu gasilisima.

Amo eso bu maedafa bu dawa:loma.

Amo esoga hadigi bu mae diga:ma:ma.

5Amo eso gasi dunasima:ne hamoma.

Mu mobi da amo eso hadigi dedeboma:ne hamoma!

Amola eso ea diga:be uligilisima.

6Amo gasi odega dialebe fadegama!

Amo gasi odega dialebe bu mae idima:ma.

7Na:mea hagomo ganodini hamobe gasi,

amo da da:i dioi bagade amola hamedei agoane ba:mu da defea.

8Gabi dawa:su dunu (amo da hanome agoai ohe bagade Lifaiada:ne ouligimusa:

dawa:) ilia da amo gasiga gagabusu aligima:ne sia:mu da defea.

9Dia gusubia gasumuni ea diga:be amo uligilisima.

Amola amo gasi mae hadigima:ne hamoma!

10Amo gasi da na lalelegemu logo doasiba:le,

amo gasiga gagabusu aligima:ne sia:ma.

Bai amo gasi da nama bidi hamosu amola se nabasu fawane iasi.

11Na da na:me hina: hagomoa ganodini bogomu da defea galu.

O lalelegesula amogalawane bogomu da defea galu.

12Na:me da abuliba:le ea masele da:iya na febela:?

Abuliba:le nama dodo iasula:?

13Na amogala bogosa ganiaba, na da wali hele esala:loba!

14Na da hina bagade amola ouligisu dunu

amo da musa: hina bagade diasu buga:le gagui,

amo defele golai diala:loba.

15Na da hina bagade manolali amo da ilia diasu silifa amola gouli amoga nabalesi,

amo defele golai diala:loba.

16O na da daba:me asi mano agoai golai diala:loba.

17Bogoi uli dogoi ganodini, wadela:i hamosu dunu da wadela:le hame hamosa.

Amola hawa: hamonana helei dunu ilia da hawa: hamosu fisili, helefisa.

18Bogoi uli dogoi ganodini sali dunu ili amolawane da olofosu ba:sa.

Amogawi ouligisu dunu da ilima hame halagala:sa.

19Amogawi, dunu huluane bogogia:i dialebe ba:sa.

Mimogo dunu amola asaboi dunu huluanedafa da bogoi uli dogoiga doaga:le, dialebe. Udigili hawa: hamosu dunu da ilia udigili hawa: hamosu amoga fisiagai agoane ba:sa.

20Dia da abuliba:le, dunu se bagade nabawane esaloma:ne,

ilia logo doasisala:?

Abuliba:le, da:i dioi bagade dunuma hadigi iaha? 212

Ilia da bogoma:ne ouligisa, be bogosu da ilima hame doaga:sa.

Ilia da osobo bagade noga:idafa liligi hame hanai,

bogoi uli dogoi fawane hanai gala.

22Ilia da bogole, uli dogoiba:le fawane hahawane ba:sa.

23Gode da ilima fa:no misunu hou wamolegesa.

Amola ili mae hobeama:ne, E da ili sisiga:sa.

24Na da ha:i mae nawane, unuma:ne fawane dinana.

Na da gogonomonanusu da yolemu hamedei gala.

25Liligi huluane amoga na beda:be da dafawane hamosa.

26Na olofosu amola helefisu hamedafa dawa:,

amola nama bidi hamosu da yolemu hame ba:sa.”

Sia:dasu Age

(Yoube 4:1—14:22)