Yoube 25

1Bilida:de da amane sia:i,

2“Gode da gasa bagadedafa!

Dunu huluanedafa da Ema beda:mu da defea.

E da Ea Hebene Hinadafa Hou olofolewane ouligilala.

3Dunu afae da a:igele dunu amo da Ema hawa: hamonana,

amo idima:ne, dunu afae da defele esalala:? Hame mabu!

Soge afae amoga Gode Ea hadigi amoga hame diga:i da ganabela:?

Hame mabu!

4Dunu afae da Ea siga ba:ma:ne, moloidafa esalabala? Hame mabu!

5Gode Ea siga ba:ma:ne, oubi amolawane da gugumi gala.

Amola gasumuni da fofoloi hame ba:sa.

6Amaiba:le, E da osobo bagade dunu habodane ba:ma:bela:?

Dunu da daba: amola sage agoai ba:sa.

Gode Ea siga ba:sea, dunu ea esalusu da haboda:i ganabela:?”