Flipə

Fraka ə̂në Palɔ tâ kə Laglizə əgɔ

FLIPƏ

Kumu əpʉ

Âdâ kə ta fraka səke də̂ yea

Ngrowô ə̂në Palɔ tâ kə azü nə̂ Ndjapä mâ Flipə kɔ kə səke. Lə bishi ana nə̂ ye, Palɔ yîsə̂ Ə̂rɔ̂ Əpʉ kə azü lə gala səkɔ, ʉrrr azü tshe mâ je nə yîndə əpʉ nə də lɔsu əndje. Wu Azü-awla 16.11-40. Alɔ ə̂në əndje zâ Palɔ gâ lə anda kânga mbrə kosəra nə̂ Âgbɔ̂ Əyïngerə ə̂në tshə sə̂ kə mbrə ne kɔ, azü tshe Flipə nə ngbô aərə gâ tə̂ nə, ə wlâ ə̈bə̈ əzü lə takpa tə̂ əndje ə̂në əndje ê ətshə ə pa Epafrɔditə kɔ ndə kə pa tshə na də aərə nə ə̂në əndje ngbô gâ tə̂ nə kɔ kə ətshə. Tə̂ alɔ nə səkɔ də̂ Palɔ nə tâ ngrowô nə â wlâ kə əndje ndə kə pa tshə za mərshe kə əndje, ə pa əne wû ərə nə ə̂në əndje wlâ kə əne kɔ gâ ye. Tshə pâ ndje kə əndje ə pa əndje ka kpirə̂ gâ pâ əpʉ lɔsu əndje, ə do tshepa əndje do gbo Ndjapä ne, ə dji dji ndje əpʉ ama azü ə̂në əndje sə kə yisə̂ ərə ə̂në ə sə kpî tə̂ ərə nə̂ Ndjapä kə azü kɔ ne. Tshə lî tshelə əndje ndje ə pa əndje sə̂ kʉ bale də a-Kristə gâ ye, â ə sə tə kə dji tə̂ ə̂në ə lï ndə kə pa ə sə lə takpa tə̂ əndje kɔ kə sə̂.

Əpʉ tshelə fraka səke na rəke

1. (1.1-11) Əpʉ kə bla ətshe, də kə yu Ndjapä

2. (1.12-30) Äwä ə̂në Palɔ sə kə wu kə sə əzü

3. (2.1-18) Jezu Kristə kə sə ngâ tə əzü ə̂në tshə mbrə tə̂ ye mbrə tə âgbɔ̂ əzü ne kɔ

4. (2.19-30) Aəpʉ gâ pâ kə sə a-Timɔte də Epafrɔditə

5. (3.1–4.9) Əzü lï ndə kə pa tshə fʉ lə ala Ndjapä

6. (4.10-20) Palɔ za mərshe kə azü tshe Flipə

7. (4.21-23) Bale əpʉ kə bla ətshe