Filəmɔ

Ngrowô ə̂në Palɔ tâ kə

FILƏMƆ

Kumu əpʉ

Âdâ kə ta fraka səke də̂ yea

Ngrowô ə̂në Palɔ tâ ə wlâ kə gbɔbəngâ nə də Filəmɔ kɔ kə səke. Koshe səkɔ sə̂ tə əzü gala Kɔlɔsə, ə sə̂ tə ə̈bə̈ əgerə əzü lə gala nə̂ əndje nə. Tshə djî Palɔ də kə yisə̂ Ə̂rɔ̂ Əpʉ, â kʉ mandânə, tshə yîndə əpʉ nə də lɔsu ye, â lî gâ lə əpʉ nə̂ Kristə nə. Ə̈bə̈ əzü sə̂ je lə takpa tə̂ akanga nə̂ ye, ə̂në əɨrɨ də̂ Ɔnezimə kɔ. Ɔnezimə nə kpê gâ ye, ə wû Palɔ nə tə̂ ətshe ə̂në tshə sə̂ lə kânga tə̂ nə kɔ. Palɔ nə yîsə̂ Ə̂rɔ̂ Əpʉ, ə̂në ə pa əpʉ gâ pâ Âgbɔ̂ Əyïngerə Jezu Kristə kɔ kə ətshə. Tshə zâ ndje äwä səkɔ.

Palɔ nə tâ ngrowô səke ə wlâ kə Filəmɔ nə, ndə kə pa kə ətshə ə pa tshə gba tshelə əpʉ lə kumu Ɔnezimə nə gâ ye. Ɔnezimə nə də ə̂tə̂ ye kə na də nə. Lə âgbɔ̂ əpʉ tə̂ tshekɨ nə səkɔ, Filəmɔ lî kəmə ndə kə mbrə ərə ə̂në tshelə ye yində nə kɔ tə̂ Ɔnezimə nə tə kanga nə̂ ye, wala kəmə ndə kə wo ətshə. Palɔ nə kɨ̂ ə̂sə̂ əyo tə̂ ye kə ətshə ndə kə pa tshə wu Ɔnezimə nə wu tə kanga ə̂në tshə kpê gâ ye kɔ ne. Tshə pâ kʉ kə ətshə ə pa tshə za ətshə gâ tə̂ ye tə ə̂rɔ̂nə, mbrə ə̂në mandânə səye əndje də ətshə sə kʉ bale lə Jezu Kristə gâ ye.

Əpʉ tshelə fraka səke na rəke

1. (1-3) Əpʉ kə bla ətshe

2. (4-7) Palɔ za mərshe kə Ndjapä mbrə Filəmɔ

3. (8-22) Palɔ kɨ ə̂sə̂ əyo tə̂ ye kə Filəmɔ mbrə Ɔnezimə

4. (23-25) Bale əpʉ kə bla ətshe