Zake

Fraka nə̂

ZAKE

Kumu əpʉ

Âdâ kə ta fraka səke də̂ yea

Ngrowô ə̂në Zake tâ kə azü nə̂ Ndjapä ə̂në əndje ndjɔ̂ tshelə əndje na na ye pâ ashɔ nɔ̂ kɔ kə səke. Zake sə̂ leme-e tə̂ âgbɔ̂ əzü gâ pâ azü nə̂ Kristə mâ Jeruzalamə, â sə̂ tə aye Âgbɔ̂ Əyïngerə Jezu. Azü sə̂ ə̂në tshə tâ ngrowô səke kə əndje kɔ, alabə̈ əndje pâ alane zâ lɔsu alane kə Kristə gâ ye, bale kə mbrə tə̂ əndje nə sə̂ sə̂ tə kə mbrə tə̂ azü ə̂në əndje zâ lɔsu əndje kə Kristə nə gâ ye kɔ ne. Âdâ nə ə̂në tshə pâ kə əndje ə pâ kə mbrə ərə də äwänə za äwä əpʉ lɔsu nə.

Zake djî ə pa lə takpa tə̂ azü nə̂ Kristə nə, alayïəyo sə̂ kə wu əyo, mbrə ə̂në alayïrishi mbrə̂ tə̂ əndje tə əgbro azü rô pâ nə gâ ye. Âdâ nə ə̂në tshə pâ kə alayïrishi nə ə pa əndje dɔ tshelə alayïəyo nə dɔ ne. Tshə pâ kwatə̂ye kə azü nɔ̂ ə pa əndje kpe əpʉ kəpʉ ə wusə̂ kə bata ama əndje. Əndje lï ndə kə pa əndje mbrə ərə alɔnɔ̂ də äwänə, ə lï də Əpʉ Ndjapä.

Əpʉ tshelə fraka səke na rəke

1. (1.1) Əpʉ kə bla ətshe

2. (1.2-18) Əpʉ lɔsu, gâ ndə əpʉ kə wusə̂ ərə

3. (1.19-27) Kə dji Əpʉ Ndjapä, gâ ndə kə mbrə ndəma nə

4. (2.1-13) A wu tshelə azü ə wu wu ne

5. (2.14-26) Əpʉ lɔsu, gâ ndə əpʉ kə mbrə ə̂rɔ̂ ərə

6. (3.1-18) Əpʉ kə wusə̂ ərə, gâ ndə əpʉ tima

7. (4.1–5.6) Kə yində tshepashɔ sə sə tə ə̂rɔ̂nə ne

8. (5.7-20) Əpʉ kə ru tshelə lə aərə, gâ ndə əpʉ kə yu Ndjapä