Kɔlɔsə
Colossians
Introduction from this edition
Fraka ə̂në Palɔ tâ kə Laglizə əgɔ
KƆLƆSƏ
Kumu əpʉ
Âdâ kə ta fraka səke də̂ yea
Ngrowô ə̂në Palɔ tâ ə wlâ kə azü nə̂ Ndjapä mâ Kɔlɔsə kɔ kə səke. Tshə nâ nâ mâ je alɔ bale ne, bale tshə djî ə pa azü nə̂ Kristə tshe mâ je nə kâ kpirə̂ gâ pâ əpʉ lɔsu əndje. Epafrasə gbɔbəngâ nə kə sə̂ â yîsə̂ Ə̂rɔ̂ Əpʉ kə əndje ətshinə.
Alabə̈ aə̂ngû mandânə, alabə̈ azü nâ mâ je, ə yîsə̂ əpʉ ə̂në ə sə̂ kpî tə̂ Ə̂rɔ̂ Əpʉ ə̂në Epafrasə mʉ̂ ətshinə kə əndje gâ ye kɔ kə azü nə. Əndje pâ kə azü nə ə pa kədə əndje yində nə ə pa əndje she lə kuzu, ə lï ndə kə pa əndje vrɔ atrawaya nə̂ Ndjapä, də ə̂dû aərə ə̂në ə rô azü gâ ye kɔ kane. Əndje pâ kwatəndje kə əndje ə pa ə lï ndə kə pa əndje wa gandja gâ ye kane, ə zɨ alabə̈ arəgo zɨ ne. Epafrasə nâ ə tê Palɔ mâ Rɔmə ə̂në tshə sə̂ lə kânga tə̂ nə kɔ ndə kə pa ndəma nə kə ətshə. Alɔ ə̂në Palɔ djî əpʉ səkɔ də̂ tshə tâ ngrowô nə kə əndje, ndə kə yisə̂ nə kə əndje ə pa kʉtə̂ əpʉ kə za lɔsu kə Jezu tshî kə lï ndə kə mbrə ndə kə pa əzü she lə kuzu.
Əpʉ tshelə fraka səke na rəke
1. (1.1-2) Əpʉ kə bla ətshe
2. (1.3-14) Əpʉ kə yu Ndjapä ndə kə za mərshe
3. (1.15–2.19) Əde də̂ Kristə, â yea ndje də̂ tshə mbrə̂ gâ ye
4. (2.20–4.6) Tafa kə sə də Jezu Kristə
5. (4.7-18) Bale əpʉ kə bla ətshe
Banda-Linda NT. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.