Azü-awla

Fraka aərə ə̂në

AZÜ-AWLA

mbrə̂

Kumu əpʉ

Âdâ kə ta fraka səke də̂ yea

Bishi fraka ə̂në Luki tâ kɔ kə səye. Angbʉlî fraka nə də̂ «Ə̂rɔ̂ Əpʉ ə̂në Luki tâ kɔ». Tshə pâ ndə äwä ə̂në əndje zû Jezu də nə kɔ, də əpʉ kə sə ətshə pâ ashɔ səke, də əpʉ kuzu ye, də äwä ə̂në tshə shê â Ndjapä zâ ətshə o na ye mâ ngâ lafɔ kɔ. Lə fraka ənə̂ səye, tshə yîsə̂ ərə nɔ̂ ə̂në azü-awla mbrə̂ gâ ye kɔ. Tshə pâ ndje ndə äwä ə̂në Âgbɔ̂ Yîrə̂ jêrə gâ pâ azü-awla nə, də äwä ə̂në əndje nâ ndje na na ye lə agala ndə kə pa əndje mʉ Ə̂rɔ̂ Əpʉ də awlra nə̂ Âgbɔ̂ Yîrə̂ nə kɔ. Aərə ə̂në ə wûtu gâ tə̂ əndje lə kosəra nə, də aəyo nɔ̂ ə̂në əndje wû kɔ, tshə pâ ndə nə.

Leme-e, Ajuwufu pâ Əpʉ nə̂ Ndjapä lï ndə kə ka kʉ gâ tə̂ alane tshî. Luki pâ ndə äwä ə̂në azü-awla vɔ̂tə̂ kə yisə̂ Ə̂rɔ̂ Əpʉ kə azü ə̂në əndje sə̂ sə̂ tə Ajuwufu ne kɔ gâ lə fraka səke.

Azü-awla bishi də̂ tshə pâ ndəma kosəra ə̂në əndje mbrə̂ kɔ ə rô ə̂dû əndje nə. Əndje kə də̂ Piarə gâ ndə Palɔ. Piarə kə yîsə̂ Ə̂rɔ̂ Əpʉ kə azü gala Jeruzalamə ʉrrr alabə̈ azü tshelə gala nə dô tə̂ əndje tə azü nə̂ Kristə kɔ. Ənə̂ Palɔ nə, tshə yîsə̂ əpʉ lə agala nə̂ azü ə̂në əndje sə̂ sə̂ tə Ajuwufu ne kɔ ndə kə pa tshə yisə̂ äwä Kristə kə əndje. Fraka səke yisə̂ nə kə əzə̂ ə pa a lï ndə kə pa a mʉ Ə̂rɔ̂ Əpʉ nə̂ Jezu Kristə tə̂ aətshe nɔ̂ pâ ashɔ səke.

Əpʉ tshelə fraka səke na rəke

1. (1.1–8.3) Kə mʉ Ə̂rɔ̂ Əpʉ lə gala Jeruzalamə

a. (1.1-11) Ə̂dû aəlo Jezu Kristə pâ ashɔ səye

b. (1.12-26) Əndje kê Matiasə ndə kə pa tshə sə tə əzü-awla

d. (2.1-13) Kə jerə Âgbɔ̂ Yîrə̂

e. (2.14–8.3) Azü-awla pâ əpʉ gâ pâ Ə̂rɔ̂ Əpʉ mâ Jeruzalamə

2. (8.4–12.25) Kə mʉ Ə̂rɔ̂ Əpʉ lə agala ashɔ aəgɔ Jude də Samari

3. (13.1–28.31) Kə mʉ Ə̂rɔ̂ Əpʉ tə̂ aətshe nɔ̂ pâ ashɔ

a. (13.1–14.28) Palɔ nâ ana tə̂ angbʉlînə ndə kə pa tshə mʉ Ə̂rɔ̂ Əpʉ

b. (15.1-35) Kə dji tə̂ azü ə̂në əndje djî tə̂ əndje mâ Jeruzalamə kɔ

d. (15.36–18.23) Palɔ nâ ana tə bishi nə ndə kə pa tshə mʉ Ə̂rɔ̂ Əpʉ

e. (18.24–21.16) Palɔ nâ ana tə vəta nə ndə kə pa tshə mʉ Ə̂rɔ̂ Əpʉ

f. (21.17–23.22) Əndje têgbɔ Palɔ mâ Jeruzalamə ndə kə pa əndje za ətshə gâ lə kânga

g. (23.23–26.32) Əndje nâ də Palɔ mâ Sezare

h. (27.1–28.31) Əndje nâ də Palɔ mâ Rɔmə