3 Zââ

Vəta Fraka nə̂

ZÂÂ

Kumu əpʉ

Âdâ kə ta fraka səke də̂ yea

Vəta ngrowô ə̂në Zââ tâ kɔ kə səye. Tshə tâ kə ə̈bə̈ koshe tə əzü nə̂ Kristə, ə̂në əɨrɨ də̂ Gayusə kɔ. Zââ wlâ alabə̈ azü lə alabə̈ ashɔ aəgɔ ndə kə pa əndje na na ye ə yisə̂ əpʉ kə azü nə̂ Ndjapä. Bale, alɔ ə̂në əndje yî kumu əndje gâ lə gala ə̂në Gayusə nə sə̂ lə nə kɔ, ə̈bə̈ koshe tshe mâ je, ə̂në əɨrɨ ye də̂ Diɔtrafə kɔ, wə̂ra tə̂ ye ndə kə pa əndje sho mâ ndə ye je. Azü nə̂ Ndjapä ə̂në əndje kô azü səkɔ ndə kə pa əndje lo mâ ndə əndje kɔ, Diɔtrafə nə grɔ̂ əndje lə Laglizə gâ ye. Âdârə ə̂në Zââ nə tâ ngrowô kə Gayusə nə ndə kə pa kə ətshə ə pa tshə ka gbʉ gbʉ gbʉ, â azü ə̂në əndje nâ gâ lə gala nə ndə kə mʉ Ə̂rɔ̂ Əpʉ nə kɔ, tshə ko əndje gâ tə̂ ye tə ə̂rɔ̂nə.

Əpʉ tshelə fraka səke na rəke

1. (1-2) Əpʉ kə bla ətshe

2. (3-12) Ə̈bə̈ əzü nə̂ Kristə lï lï ndə kə pa tshə wəra tə̂ ye ndə kə tʉ gbɔbəngâ nə gâ lafɔ ne

3. (13-15) Bale əpʉ kə bla ətshe