2 Timɔte

Bishi Ngrowô ə̂në Palɔ tâ kə

TIMƆTE

Kumu əpʉ

Âdâ kə ta fraka səke də̂ yea

Bishi ngrowô ə̂në Palɔ tâ ə wlâ kə Timɔte kɔ kə səke. Tshə tâ alɔ ə̂në tshə dâka pə lə kânga mâ Rɔmə kɔ. Agbɔbəngâ nə nɔ̂ kpê gâ ye ə tshî ətshə tʉ. Kʉtə̂ Luki, awombrə ayɔ rəka gâ tə̂ azü, tshî kə tshî ətshə tshî tʉ ne.

Palɔ nə wû ə pa əlo əne nglɔ̂ gâ ye, kʉtə̂ kuzu kə daka pə je. Âdârə ə̂në tshə zâ ama ndə kə ta ngrowô kə Timɔte nə ndə kə pa tshə mʉ əpʉ kə ətshə, mbrə ə̂në tshə wû ətshə ngâ tə əgblə tshelə ye. Ngrowô səke ə̂në Palɔ nə tâ kɔ sə tə bale ngrowô nə.

Tshə pâ kə ətshə gâ lə ngrowô nə ə pa tshə ka kpirə̂ gâ pâ əpʉ lɔsu ye mata əne. Tshə pâ ndje kə ətshə ə pa tshə ru tshelə ə ru ə yisə̂ Əpʉ nə̂ Jezu kə azü, kədə azü nə kə za ətshə kəmə gi əyo ndje. Â ala ye gbɔ ndje tə̂ ərə ə̂në ə lï lï də Ə̂rɔ̂ Əpʉ ne kɔ.

Palɔ nə pâ kwatə̂ye ndje ə pa əne mbrə̂ ə̂rɔ̂ awlra gâ ye, â əne sə kə te Âgbɔ̂ Əyïngerə Jezu katshä katshä səye. Tshə pâ ə lï əzü nə̂ Kristə bale bale mbrə ərə mata əne.

Əpʉ tshelə fraka səke na rəke

1. (1.1-2) Əpʉ kə bla ətshe

2. (1.3-18) Palɔ sə kə mʉ əpʉ kə Timɔte

3. (2.1-26) Äwä ə̂në ə̈bə̈ əzü lï ndə kə pa tshə sə tə ə̂rɔ̂ trugu nə̂ Kristə də nə kɔ

4. (3.1-9) Äwä kə sə azü tə̂ bale aəlo tshepashɔ

5. (3.10–4.8) Kə ka kpirə̂ gâ pâ əpʉ lɔsu

6. (4.9-22) Əpʉ əkɨ əyo, də bale əpʉ kə bla ətshe