2 Tesalɔnikə

Bishi Fraka ə̂në Palɔ tâ kə Laglizə əgɔ

TESALƆNIKƏ

Kumu əpʉ

Âdâ kə ta fraka səke də̂ yea

Bishi ngrowô ə̂në Palɔ tâ ə wlâ kə azü nə̂ Ndjapä mâ Tesalɔnikə kɔ kə səke. Tshə pâ kwatə̂ye ndə əpʉ kə gu Kristə nə kə əndje lə nə, də kə sə azü ə̂në əndje zâ lɔsu əndje kə ətshə gâ ye kɔ ə nglɔ atâ.

Alabə̈ azü lə gala səkɔ sə̂ kə pa əpʉ ə pa Kristə nə gû gâ ye, alabə̈ əndje lə takpa tə̂ əndje nə sə̂ kə pa nə ə pa kə gu ətshə nə daka pə je, bale əlo nə ndô trö gâ ye. Əndje nə ə̂në əndje pâ əlo kə gu ətshə nə ndô trö gâ ye kɔ, əndje wə̂ra tə̂ əndje gâ ye ndə kə mbrə kosəra. Əndje sə̂ kə pa nə ə pa kə mbrə kosəra kʉ tə ambanə kə sə̂ rə kɔ. Bale əndje sə̂ kə na gâ ndə azü ə̂në əndje sə̂ kə mbrə kosəra nə kɔ ndə kə zɨ rəgo. Âdârə ə̂në Palɔ nə tâ ngrowô nə kə əndje, ndə kə yisə̂ nə kə əndje ə pa ə lï ndə kə pa əlʉ za əzü bale bale gâ ye kanika tshə zɨ rəgo. Tshə pâ ndje kə əndje ə pa əndje ru ə ru, alɔ ə̂në əndje sə kə wu aəyo, ə mbrə ə̂rɔ̂ ərə alɔnɔ̂.

Əpʉ tshelə fraka səke na rəke

1. (1.1-2) Əpʉ kə bla ətshe

2. (1.3-12) Kə gu Kristə ə gamba aərə nɔ̂ də äwänə je

3. (2.1-12) Âgbɔ̂ Əyïngerə Jezu te te pa ə gu ne

4. (2.13-17) Kə ka kpirə̂ gâ pâ əpʉ lɔsu

5. (3.1-15) Əpʉ kə yu Ndjapä də əpʉ kosəra

6. (3.16-18) Bale əpʉ kə bla ətshe