2 Piarə

Bishi Fraka nə̂

PIARƏ

Kumu əpʉ

Âdâ kə ta fraka səke də̂ yea

Bishi ngrowô ə̂në əzü-awla Piarə tâ ə wlâ kɔ kə səke. Ngâ, tshə tâ kə azü nə̂ Kristə lə ə̈bə̈ gala. Ə̈bə̈ əzü bale pâ pâ tshə tâ ngrowô səke kə azü nə ə̂në tshə wlâ angbʉlî ngrowô nə kə əndje kɔ ne, mbrə ə̂në ə̈bə̈ əzü bale wusə̂ nə wu ngâ ə pa kʉtə̂ angrowô bishi sə̂ ə̂në tshə tâ kɔ kə sə̂ ne. Tshə pâ tshî ə pa ngrowô səke sə tə bishi nə ə̂në əne tâ kə əndje kɔ (2 Piarə 3.1).

Piarə pâ alabə̈ azü lî gâ lə takpa tə̂ azü nə̂ Ndjapä ə yîsə̂ ə̈bə̈ ərə ə̂në ə sə kpî tə̂ Ə̂rɔ̂ Əpʉ ə̂në əne yîsə̂ nə kə əndje gâ ye kɔ kə əndje. Əndje sə̂ kə mbrə ərə ə̂në tshelə əndje yində nə, ə pâ Jezu sə sə kə gu nə kwatə̂ye ne. Piarə pâ kwatə̂ye ə pa kə sə əzü nə̂ Kristə lï ndə kə pa ə fʉ tə̂ Ndjapä. Ərə ə̂në Jezu yîsə̂ nə kə azü ə̂në əndje sə̂ ngotə̂ ye alɔ ə̂në tshə dâka pə pâ ashɔ kɔ kə sə̂ â ə sə tə djatra ərə, â ə sə ndje tə ərə ə̂në əndje lï ndə kə pa əndje za gâ lə kumu əndje.

Əpʉ tshelə fraka səke na rəke

1. (1.1-2) Əpʉ kə bla ətshe

2. (1.3-11) Äwä ə̂në əzü nə̂ Kristə lï ndə kə pa tshə sə də nə

3. (1.12-21) E kä kpirə̂ gâ pâ ərə ə̂në əndje yîsə̂ nə kə e gâ ye kɔ

4. (2.1-22) Əndje ə̂në əndje sə kə yisə̂ ərə ə̂në ə sə sə də äwänə ne kə azü kɔ

5. (3.1-18) Djatra əpʉ Jezu ə gu je