1 Timɔte

Əlî Ngrowô ə̂në Palɔ tâ kə

TIMƆTE

Kumu əpʉ

Âdâ kə ta fraka səke də̂ yea

Əlî ngrowô ə̂në Palɔ tâ ə wlâ kə Timɔte kɔ kə səke. Palɔ nâ mâ Listrə ndə kə pa tshə yisə̂ əpʉ mâ je. Timɔte nə lô mâ je. Alɔ ə̂në tshə djî əpʉ ə̂në Palɔ nə pâ kɔ də̂ tshə zâ äwä ye. Əndje də ətshə nâ ana äwä ngbatshe, â əndje də ətshə mbrə̂ kosəra ndje kpə ə̂sə̂ nə.

Alɔ ə̂në Palɔ â dji ə pa azü nə̂ Kristə lə gala rəke do tshepa əndje gbo Ndjapä, wala ə̈bə̈ ərə sə kə mbrə mâ je, Timɔte də̂ tshə yi tə̂ ye də kə wla ətshə ndə kə pa tshə na ə mʉ əpʉ kə azü nə. Tshə wlâ ətshə mâ Efazə gâ ye ndə kə pa tshə na ə gbɔgbɔ lɔsu azü nə̂ Ndjapä tshe mâ je nə. Mâ je də̂ ngrowô səke tê ətshə kɔ. Tshə pâ gâ lə nə kwatə̂ye kə ətshə ndje ə pa tshə na ə pa kə azü nə̂ Ndjapä nə ə pa ala əndje gbɔ tə̂ azü ə̂në əndje sə̂ kə yisə̂ əpʉ ə̂në ə sə kpî tə̂ Ə̂rɔ̂ Əpʉ kɔ kə azü kɔ. Tshə pâ ndje ndə əpʉ äwä ə̂në azü nə̂ Ndjapä lï ndə kə mbrə tə̂ əndje tə̂ nə lə Laglizə kɔ kə ətshə, də äwä ə̂në əndje lï ndə kə pa əndje ke aâgbɔ̂ azü nə̂ əndje də nə kɔ.

Əpʉ tshelə fraka səke na rəke

1. (1.1-2) Əpʉ kə bla ətshe

2. (1.3–3.13) Äwä ə̂në azü nə̂ Ndjapä lï ndə kə sə də nə

3. (3.14–4.5) Ərə ə̂në ə zâ tə̂ ye wû tə̂ äwä ə̂në əzə̂ zâ kɔ

4. (4.6–6.21) Palɔ mʉ̂ əpʉ kə Timɔte